Maarko 12:26 - ꞌBuuk cĩ Thõõth cĩ Nyekuci

²⁶ Agayyu niig thõõth ꞌcĩ arũgthaanĩ Nyekuci eet daahĩtha nẽ agayyu dtẽẽllẽn cĩg Mũũꞌtha hĩ thõõth baa atũũthẽnĩ tumuth nẽ ĩĩnnĩk Nyekuci ĩnõõnnõ, ‘Hĩĩnĩ naa Nyekuc cĩ Abũrahamĩ hĩ cĩ Iꞌthaako nẽ hĩĩna Nyekuc cĩ Yakobo.’

Maarko 12:26 ပူးပေါင်းရင်းမြစ်များ

ꞌThianaattõ 26:24

Ma baalin niccia, ũũk uppwaannak Makayyioohiti Nyekuci ĩnõõnnõ nẽ ĩĩnnĩk, “Hĩĩnĩ naa Nyekuc cĩ maaconu Abũrahaamõ. Ma hiteelli, haꞌthuunni hatĩ naa nganiit nẽ haggataniina nẽ haaꞌnyii lõhõlĩ ꞌcĩg mẽẽlĩg, hĩnĩngĩtĩ thõõth baa haduhaahi naa dticciannioohit caannĩ Abũrahaamõ.”

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

ꞌThianaattõ 31:42

Má hiittiõõ Nyekuci cĩ baaba Abũrahaamõ hĩ Iꞌthaako ngaatĩ ẽbẽka nganĩĩt tõõ, occa baa itiggiawaa haaga hiꞌthihi ꞌgii ꞌcĩ hõkõõĩ buúk. Nẽ ꞌyioko, ĩcĩn Nyekuci pĩĩrnanĩt caannĩ, hĩ dtiic baa hadĩmaneekii naa nganiita, ĩnõõ ꞌcĩ eggerꞌnyeeki nẽẽ nganiit aabaal ko.”

ꞌThianaattõ 32:9

Ma nĩngaata, alaõ Yakobo ĩĩ, “Nyekuc cĩ hĩbaangĩ cĩgannĩg Abũrahaamõ hĩ Iꞌthaako, nii Makayyioohiti baa aduhaaka nganĩĩt anneeka, ‘Bodooth looccaa cunuung, bĩĩt mũdoothĩk ittioonniok cugunnig nẽ hatĩ haaꞌnyii baliinit.’

ꞌThianaattõ 33:20

Ma nĩngaata, ikia ẽtẽhẽnya Yakobo nĩngĩtĩ ĩbbõõrĩkĩ Nyekuc ꞌgaarrieenit nẽ akateek ꞌthaar ꞌcĩg haĩ El Elohe Ĩꞌthĩraẽl.

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Maarko 12:10

Ma ho, ĩĩnnĩk Yeesu ĩhõõggõ, nga nooyyia itigiilit niig thõõth baa eheeddi ꞌBuuhaa cĩ Nyekuci aĩ, “ ‘Bẽẽ baa abũrĩ teheꞌnyiooha, ikia ĩĩ bẽẽ ꞌcĩ ĩllõõan gẽrrẽẽt ꞌgoonoginni vẽlẽk?

Maarko 12:25

Ma ũrũgũtha Nyekuci eet ꞌcĩg adaahito, iittiõõ hatĩ nẽẽg hõllõngaa au aꞌthũwanni tarĩ, iita hatĩ aauto nẽẽg hĩ aajĩlẽẽta cĩg hẽẽtkujjieen.

ꞌLuuka 20:37

Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

ꞌRooma 11:2

Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja Nyekuc hĩnĩngĩtĩ eet cĩg Ĩꞌthĩraẽlĩ baa anneek,