Maarko 12:24 - ꞌBuuk cĩ Thõõth cĩ Nyekuci

²⁴ Baa hinnia ẽdẽcĩ Yeesu Thadutheei tĩko anneek, “Ẽꞌthẽcannu niig, hĩnĩngĩtĩ hõllõngaa agayyu thõõth ꞌcĩ eheeddi ꞌBuuhaa cĩ Nyekuci nẽ tarĩ hõllõngaa agayyu ꞌtirrian cĩ Nyekuci.

Maarko 12:24 ပူးပေါင်းရင်းမြစ်များ

ꞌThianaattõ 18:14

Aaĩ occa ꞌthẽk ꞌgiimwaa ꞌcĩ aꞌnyaman Makayyioohit? Hĩcĩ haduha naa ho, ma hõbõda naa irkit cĩ gõlla kõr ꞌcĩ aaĩ hĩ cieeni, hũmmũdeeha hatĩ Thaara ũtũhũa loholeec ꞌcĩ maacĩ.”

Maatteeo 22:29

Ẽdẽcĩ Yeesu anneek, “Ẽꞌthẽcattu nĩngaata, hĩnĩngĩtĩ nga agaac niig ꞌBuuk cĩ Nyekuci hode makaaꞌthĩt cĩnnĩ.

Maarko 10:27

Ẽggẽlẽẽm hinnia Yeesu nuyyiook nẽ ĩĩnnĩk, “Õkõmĩ thõõth ciee hĩ eeta, nẽẽthĩ, aitiõõ ꞌgii ꞌcĩ aꞌnyaman Nyekuc tõõ, hĩnĩngĩtĩ ammũjĩ hẽlẽggĩ vẽlẽk hĩ ĩnõõnnõ.”

Maarko 12:23

Nẽẽthĩ, ma occa hatĩ kõr ꞌcĩ arũgnaanĩ eeta vẽlẽk ꞌcĩg adaahito, ĩĩn occa hatĩ ngaa nicciee ꞌcĩ nganĩ? Hĩnĩngĩtĩ baa olomit ꞌgõtõnĩ ꞌcĩg ĩĩn tũkĩramma ho vẽlẽk ĩnõõnnõ.”

Maarko 12:25

Ma ũrũgũtha Nyekuci eet ꞌcĩg adaahito, iittiõõ hatĩ nẽẽg hõllõngaa au aꞌthũwanni tarĩ, iita hatĩ aauto nẽẽg hĩ aajĩlẽẽta cĩg hẽẽtkujjieen.

ꞌLuuka 1:37

Hĩnĩngĩtĩ aitiõõ ꞌgii ꞌcĩ aꞌnyaman Nyekuc tõõ.”

Yõaannẽ 20:9

Baa nga hagaacõ nẽẽg thõõth cĩ ꞌBuuk cĩ Nyekuci baa aĩ, arũgna hatĩ Yeesu daahĩtha.

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

ꞌRooma 15:4

Hĩnĩngĩtĩ hẽlẽggĩ baag eteheeddi loota ꞌBuuhaa cĩ Nyekuci baa hũnũũk, baa eheeddi hillimatteet ngagĩĩt temeethi hĩ ngaatĩ akũtanneet ngagĩĩt, hátĩ haꞌnyahit muhẽẽnĩt ꞌcĩ abũnnaa.

Eevvetho 1:19

Hadiimmuung naa ngagiit agaac ꞌtirrian hĩ makaaꞌthĩt ꞌcĩ aꞌnyaheekeet Nyekuci ngagĩĩt ꞌcĩg hẽlẽmĩ ĩnõõnnõ. Ĩĩn ciee ꞌtirrian baa adticaniini Nyekuci,

Pilippi 3:21

Õkõõĩ hatĩ nẽẽ eleeti cĩggaac ꞌcĩg hõllõngaa attiran ꞌcĩg adaahĩ ho nẽ ũtũhũ ĩhõõggõ hĩĩtõ eleeti ꞌcĩg abuli haauto hĩ ẽlẽ cĩnnẽẽnĩ, makaaꞌthĩtaa ꞌcĩ hatĩ aggamĩ nẽẽ hẽlẽggĩ vẽlẽk.