Maarko 12:17 - ꞌBuuk cĩ Thõõth cĩ Nyekuci

¹⁷ Nĩngĩtĩ aduhaakĩ Yeesu ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.” Ma nĩngaata, iita idhirriaangtĩ nẽẽg gẽrrẽẽt, hĩnĩngĩtĩ thõõth cĩ Yeesu ho.

Maarko 12:17 ပူးပေါင်းရင်းမြစ်များ

Maatteeo 22:21

Ẽdẽcĩ nẽẽg anneek, “Cĩ habu cobbi cĩ ꞌRooma.” Ẽdẽcĩ Yeesu anneek, “Aanytĩk habu cĩ ꞌRooma hẽlẽggĩ cĩgĩnnĩg nẽ aanytĩhu Nyekuc hẽlẽggĩ cĩgĩnnĩg.”

Maatteeo 22:22

Baa abulan thõõth ꞌcĩ ẽdẽcĩ Yeesu ĩhõõggõ ho gẽrrẽẽt ũdũt, nĩngĩtĩ ũũnnĩkĩ nẽẽg ĩnõõnnõ nẽ õõta.

Maatteeo 22:33

Ma baa athĩhĩ lothippiti ꞌlimman cĩnnĩ ho, iita aꞌngalilli nẽẽg gẽrrẽẽt.

Maatteeo 22:46

Baa aitiõõ ẽẽtĩ ꞌcĩ ẽdẽcĩ ĩnõõnnõ tõõ, ma baa urutaa cĩnnĩ, iittiõõ ẽẽtĩ ꞌcĩ nga ẽhẽggẽẽnyan hijin ĩnõõnnõ thooꞌthiok ũgĩ tarĩ tõõ.

Maatteeo 8:10

Ma baa athĩhĩ Yeesu thõõth icci ho, ukuleek ꞌjieen gẽrrẽẽt, nĩngĩtĩ annẽẽkĩ eet ꞌcĩg baag anũ ĩnõõnnõ, “Haduhaakuung dĩdĩ, nga hũmmũda eet ꞌcĩ aꞌnyak lemiinit ꞌcĩ aaĩ hoti eetinii cĩg Ĩꞌthĩraẽlĩ.

Maarko 12:16

Ma ho, aꞌnyaktaak nẽẽg Yeesu ꞌrabbaacit ꞌcĩ hũtũrĩ, nĩngĩtĩ ajini Yeesu ĩhõõggõ annẽẽkĩ, “ꞌCĩ nganĩ ꞌthooura ciee hĩ ꞌthaar iccig?” Ẽdẽcĩ nẽẽg aĩ, “ꞌThoura hĩ ꞌthaar cĩg habu cobbi cĩ ꞌRooma.”

Maarko 12:30

Mĩnnan Makayyioohit Nyekuc cunni ꞌthĩnĩtaa cunni vẽlẽk, hĩ loriiaa cunni vẽlẽk, hĩ muhẽẽttaa cunni hĩ ꞌtirriaanaa cunni vẽlẽk.’

ꞌLuuka 20:25

Ẽdẽcĩ nẽẽg aĩ, “Cĩ habu cobbi cĩ ꞌRooma.” Nĩngĩtĩ aduhaakĩ nẽẽ ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.”

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 13:7

Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.