Maarko 12:14 - ꞌBuuk cĩ Thõõth cĩ Nyekuci

¹⁴ Ma ho, ummuddieek nẽẽg Yeesu nẽ ijinit ĩĩttĩk, “ꞌLimmannioohit, hagayyĩa naag aduha nii thõõth ꞌcĩ ĩĩn dĩdĩ nẽ hõllõngaa itieelli thooꞌthiok ꞌcĩg ammuk eeta. Nẽ tarĩ hõllõngaa aallahi makaaꞌthĩt cĩ eetu, nẽẽthĩ, allimani eet thõõth cĩ Nyekuci ꞌcĩ ĩĩn dĩdĩ. Duhaaheet da, abathĩ occa nyattaalaa cĩnaang ngaatĩ hadũmaneeka habu cobbi cĩ ꞌRooma occoro, hode abũnnaa ngaatĩ hadũmaneeka?

Maarko 12:14 ပူးပေါင်းရင်းမြစ်များ

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

Maatteeo 22:17

Duhaaheet da muhẽẽnĩt cunni, aũlan ngaatĩ hadũmanẽẽkĩ occoro habu cobbi cĩ ꞌRooma hode aitiõõ?”

Maarko 12:13

Ma baa uruta, iita ĩꞌthõõcõ makayyiooha Variꞌtheei ũgĩ hĩ eet ũgĩ ꞌcĩg ĩĩn lothippit cĩ habu Ẽrõõdẽ hõõt hotogollieek Yeesu, thooꞌthiohĩĩ ꞌcĩg õthõõth nẽẽnĩ.

Maarko 12:15

Hũdũmatta occoro hode hiittiõõ hõllõngaa hadũmanna?” Nẽẽthĩ, baa aga Yeesu ngaatĩ aꞌnyahĩ nẽẽg muhẽẽnĩt ꞌcĩ abathĩ nẽ ẽdẽc ĩhõõggõ ĩĩnnĩk, “Inni idiimit niig otogollieehaangu nganĩĩt ko? Aꞌnyakta da ꞌdinaar hõdẽẽthõng hĩcĩn naana.”

Maarko 14:45

Ma hĩdĩĩkoothong, uppwaanna ꞌJuuda Ithkarioote nẽ edeceek cũrũmũũm hũũk hĩĩnnĩk Yeesu, “ꞌLimmannioohit!” Nĩngĩtĩ ĩꞌthaaĩ ĩnõõnnõ.

ꞌLuuka 20:22

Duhaaheet dako, aũlan occa ꞌthẽk ngaatĩ hadũmaneeka naag habu cobbi cĩ ꞌRooma occoro?”

ꞌLuuka 23:2

Nẽ iꞌthiattaaĩ õhõppõõcanit ĩnõõnnõ hĩ Pĩlaatõ ĩĩtõ, “Hammũdaanna eet icci adiim alũllũũman eet cĩggaang hĩkooꞌthia jore. Nẽ tarĩ, ũlũllũũman eet hiittiõõ hõllõngaa adũmaneek habu cobbi cĩ ꞌRooma occoro nẽ õthõõth ĩĩ, hĩĩnĩ Krĩstõ habu.”

Yõaannẽ 7:18

Ẽẽtĩ ꞌcĩ õthõõthĩ ẽlẽ cĩnnĩ ẽmmẽn, abuluth nẽẽ ẽlẽ cĩnnĩ. Nẽẽthĩ, ẽẽtĩ ꞌcĩ adticanoothĩk eet baa ĩꞌthõõa ĩnõõnnõ, ĩĩn eet ꞌcĩ aduha thõõth ꞌcĩ ĩĩn dĩdĩ. Aitiõõ thõõth ꞌcĩ ĩĩn õlõng ꞌcĩ aduha nẽẽ tõõ.

ꞌRooma 13:6

Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ.

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

2 Korinthia 2:2

Má ĩĩn nganĩĩt dẽẽdẽ ꞌcĩ haaꞌnyuung ngagiit aaut mothiitta, nganĩ hatĩ ꞌcĩ aku aaꞌnya nganĩĩt haccamanoothĩk? Ngagiit ꞌcĩg haaꞌnyuung naa mothiinit ko? Ngagiit ꞌthẽk dẽẽdẽ ꞌcĩg hatĩ aaꞌnyaangu nganĩĩt haccamanoothĩk.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 5:11

Haga naag thõõth ꞌcĩ aĩ, hitingolli Makayyioohit nẽ huduktaak eet vẽlẽk hiita hĩ ĩnõõnnõ. Agayyeet Nyekuci ngagĩĩt ngaatĩ hĩĩgĩnnĩ eet ꞌcĩg haattĩg hutuno nẽ hammuhi agayyu niig buúk ngaatĩ hĩĩgĩnnĩ naag eet ꞌcĩg haattĩg hutuno.

2 Korinthia 5:16

Nẽẽthĩ, iꞌthianaanĩ kõr nicci, hadiim naag hiittiõõ hõllõngaa hetteedĩk eet thooꞌthiok hĩ eeta cĩg looc nicci. Tananga baa hetteeddik naag Krĩstõ thõõth ꞌgõõlaa cĩ, iittiõõ hõllõngaa occa hadĩman noho tarĩ.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

1 Tẽꞌthaloonika 2:4

Baa accamanoothĩk Nyekuci ngaatĩ aaꞌnyeet ngagĩĩt nyeemuut cĩnnĩ ꞌcĩ abũnnaa nẽ baa hõllõngaa hõthõõꞌtha naag, hátĩ haccamattoothĩk eeta, Nyekuc dioo ꞌcĩ aga thõõth cĩ ꞌthinneeti cĩggaang, ĩnõõnnõ ꞌcĩ hadiimma naag haccamanoothĩk.