Maarko 12:11 - ꞌBuuk cĩ Thõõth cĩ Nyekuci

¹¹ Baa Makayyioohit ꞌcĩ adĩman thõõth icci ho, nĩngĩtĩ athithanĩ eeta aĩnnĩ, ẽllẽẽm ngaatĩ hacĩnĩ bẽẽ icci.’ ”

Maarko 12:11 ပူးပေါင်းရင်းမြစ်များ

ꞌThianaattõ 24:50

Ma nĩngaata, edecit Labanĩ hĩ Bethuele ĩĩtõ, “Hĩ ꞌyioko aku thõõth ciee hĩ Makayyioohit ko, aitiõõ thõõth ꞌcĩ occa haduhaanna naag tõõ.

Maatteeo 21:42

Nĩngĩtĩ annẽẽkĩ Yeesu ĩhõõggõ, “Agayyu niig baa aduha ꞌBuuhi cĩ Nyekuci aĩ, “ ‘Ikia ĩĩ tiir bẽẽ baa abũrĩ teheꞌnyiooha gẽrrẽẽt hĩllõõan ꞌgõõnõgĩ vẽlẽk. ꞌGii ꞌcĩ baa adtican Makayyioohiti cieeni, nẽ ubulaneet ngagĩĩt gẽrrẽẽt ũdũt.’

Dtiicanĩ cĩg ꞌThooyyiahu 2:12

Baa atalmaanyan eet vẽlẽk thõõth ciee hidhirriaangtĩ hijitto ẽmmẽn hĩĩtõ, “Aĩ occa thõõth nicciee ne?”

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.