Maarko 12:1 - ꞌBuuk cĩ Thõõth cĩ Nyekuci

¹ Baa iꞌthianaanĩ Yeesu aduhaak makayyiook cĩg ꞌJudeei thõõth ꞌcĩ awantoothĩk anneek, “Baa aaĩ ẽẽtĩ umwaa ꞌcĩ atiboolan hẽẽn cĩg viinoaak, nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Nĩngĩtĩ ũũnnĩkĩ mana cĩnnĩ ho kattiook nẽ ũũk hẽẽrõna.

Maarko 12:1 ပူးပေါင်းရင်းမြစ်များ

Maatteeo 13:3

Nĩngĩtĩ allimanĩ nẽẽ ĩhõõggõ thooꞌthiohĩĩ ꞌcĩg awantoothĩk annẽẽkĩ, “Baa õkõ athacĩ kattioohiti umwaa hinyomo manatõõ cĩnnĩ.

Maatteeo 21:28

“Nẽ õthõõth Yeesu ĩĩ, hẽdtẽbanaakuung ꞌyioko naa ngagiit dtẽẽllẽn ũgĩ cĩg eet umwa ꞌcĩ aꞌnyak buul ꞌramma. Nẽ hatĩ uduktaahaangu thõõth ꞌcĩ ammuku niiga. Baa õkõ anneek nyakangaan umwaa ngeerĩnĩ cobbi, ‘Bĩĩt aattĩ dticcianõ manatõõ caannĩ ĩcĩ viinoo kõr nicci!’

Maatteeo 21:33

Ĩthĩhĩt dtẽẽllẽn ũgĩ ꞌcĩg awantoothĩk aĩ, “Baa aaĩ eet umwaa ꞌcĩ õkõ atiboolan hẽẽn cĩg viinoaak nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Ma nĩngaata, ikia ũtũngẽẽhĩ mana cĩnnĩ ho eet ũgĩ hebehit, nĩngĩtĩ õkõõĩ hẽẽrõna looccaa umwaanĩ.

Maatteeo 21:34

“Ma baa ikia kõrra cĩ janiitto, ũũk ĩꞌthõõa nẽẽ dticcianniook cĩgĩnnĩg hõõt hĩ dticcianniook baag ũũnnĩkĩ nẽẽ mana cĩnnĩ cĩ viinoo, hõõt haꞌnyaktaak ĩnõõnnõ viino ꞌcĩ ibbiira.

Maatteeo 25:14

“Nẽ tarĩ, aaĩ habuccieet cĩ hẽẽtkujjieen hĩ eet ꞌcĩ õkõ hẽẽrõna, ꞌcĩ baa aũ dticcianniook cĩgĩnnĩg nẽ ũtũngẽẽhĩ ijjio cĩgĩnnĩg ĩhõõggõ.

Maarko 11:33

Ma ho, ĩĩttĩk nẽẽg Yeesu, “Aitiõõ hõllõngaa hagayyĩa naaga.” Nĩngĩtĩ annẽẽkĩ Yeesu ĩhõõggõ buúk, “Hõllõngaa thĩ haduhaakuung naa buúk ngagiit, eet iina ꞌcĩ aaꞌnyaa nganĩĩt makaaꞌthĩt ꞌcĩ hadticanĩĩ thooꞌthiok iccig ko.”

Maarko 13:34

Aaĩ hatĩ kõrra niccia hĩ ẽẽtĩ ꞌcĩ õkõ hẽẽrõna, ꞌcĩ ũũnnĩk dticcianniook cĩgĩnnĩg hebehit õlõ nẽ eꞌngereek ĩhõõggõ vẽlẽk dtiicanĩ hõdẽĩ hõdẽĩ nẽ uduhaak eet ꞌcĩ ẽbẽk hattũũg haau dĩkĩĩm.

Maarko 3:23

Ma ho, ũtũvvũ Yeesu ĩhõõggõ hiita hĩ ĩnõõnnõ nẽ uduhaak thõõth ꞌcĩ awantoothĩk anneek, “Occa gõõng iiggia ꞌThĩttaanĩ ꞌThĩttaan ꞌgõõnĩ hutuno?”

Maarko 4:2

Baa allimaneek nẽẽ ĩhõõggõ thooꞌthiok ꞌcĩg mẽẽlĩg ꞌcĩg awantoothĩk aĩ,

ꞌLuuka 15:13

“Ma urutaa cĩ waathinniook ꞌcĩg abadtẽc, ũlũt ngeerĩnĩ ꞌcĩ hidici ho ijjio cĩgĩnnĩg vẽlẽk nẽ ũũk uranganĩ baliinit cĩnnĩ ho, looccaa ꞌcĩ ꞌrẽẽnĩ hĩĩ ꞌthĩĩ.

ꞌLuuka 19:12

Baa aduhaak nẽẽ ĩhõõggõ anneek, “Baa aaĩ eet umwaa ꞌcĩ ĩĩn ngeertĩ habuuo ꞌcĩ baa õkõ ĩĩcĩ looc ꞌcĩ ꞌrẽẽnĩ, hũũk hĩĩ habu nẽ õbõda.

ꞌLuuka 22:9

Nĩngĩtĩ ajini nẽẽg Yeesu annẽẽkĩ, “Adiimmeet ꞌyioko nii ngagĩĩt hoottia hũkũmatteeha ngaana?”

ꞌLuuka 8:10

Nĩngĩtĩ ẽdẽcĩ Yeesu ĩhõõggõ annẽẽkĩ, “Baa elemmiakuung ngagiit agaac thooꞌthiok ꞌcĩg ammiꞌthi cĩg habuccieet cĩ Nyekuci ẽlẽk. Nẽẽthĩ, hallimani naa eet ũgĩ thooꞌthiohĩĩ ꞌcĩg awantoothĩk ko, haini hátĩ, “ ‘hedeeꞌnyia thõõth baa aduha ꞌBuuhi cĩ Nyekuci hĩĩ dĩdĩ baa aĩ, Tananga acĩnĩ nẽẽgĩ, aitiõõ hatĩ hõllõngaa adtuuha, nẽ tananga má athĩknĩ, aitiõõ hatĩ hõllõngaa au aga.’

Dtiicanĩ cĩg ꞌThooyyiahu 7:38

Nĩngĩtĩ aꞌnyahaanĩ Mũũꞌtha eet cĩggaac ngaatĩ hõdẽẽthõng horrwatõõ ꞌcĩ õdõhõhĩĩ kak nẽ õthõõthak aajĩlõ ĩnõõnnõ Muuraa cĩ ꞌThĩnaĩ. Ma nĩngaata, iita aanytĩhoothĩk Mũũꞌtha thooꞌthioha cĩg rũgẽtaak, hũtũngeekeet ngagĩĩta.