Maarko 11:32 - ꞌBuuk cĩ Thõõth cĩ Nyekuci

³² Nẽ ꞌgõõlaa umwaanĩ, baa ẽlẽmĩ eeta cieeg ngaatĩ ĩĩnnĩ Yõaannẽ põrõvẽtaac. Nẽẽthĩ, occa hõllõngaa haĩ eet cĩ holli õõ haaga, ꞌcĩ aaꞌnyĩk ĩnõõnnõ makaaꞌthĩt ꞌcĩ aggamẽẽkĩ eet baattithimo ho.”

Maarko 11:32 ပူးပေါင်းရင်းမြစ်များ

Maatteeo 11:9

Nẽẽthĩ, ne ꞌthẽk baa dẽẽdẽ ꞌcĩ ooyyu acinnu niig ko? Põrõvẽtaac? Haduhaakuung dĩdĩ, ĩllõõan nẽẽ põrõvẽtaac.

Maatteeo 14:5

Baa adiim aruk Ẽrõõdẽ Yõaannẽ nẽ baa itieelli nẽẽ lothippit cĩ eetu, hĩnĩngĩtĩ baa aĩ nẽẽg, ĩĩn Yõaannẽ põrõvẽtaac.

Maatteeo 21:46

Nĩngĩtĩ atarraabanĩ nẽẽg ꞌgõõl ꞌcĩ adiim ababuuthanĩ ĩnõõnnõ, nẽẽthĩ hinnia, baa itieelli nẽẽg lothippit, hĩnĩngĩtĩ baa ammuk lothippiti aĩ, ĩĩn Yeesu põrõvẽtaac.

Maarko 11:31

Nĩngĩtĩ ahĩkĩĩmanĩ nẽẽg nyaagwaana aĩnnĩ, “Hanneek occa ne? Má haĩ hĩĩttĩk, ‘Baa aku baattithimo cĩ Yõaannẽ hẽẽtahujjieen,’ anneekeet hinnia hatĩ, ‘Nẽ thĩ baa hõllõngaa elemmu niig Yõaannẽ inni?’

Maarko 11:33

Ma ho, ĩĩttĩk nẽẽg Yeesu, “Aitiõõ hõllõngaa hagayyĩa naaga.” Nĩngĩtĩ annẽẽkĩ Yeesu ĩhõõggõ buúk, “Hõllõngaa thĩ haduhaakuung naa buúk ngagiit, eet iina ꞌcĩ aaꞌnyaa nganĩĩt makaaꞌthĩt ꞌcĩ hadticanĩĩ thooꞌthiok iccig ko.”

Maarko 12:12

Ma nĩngaata, iita idiimito makayyiooha cĩg ꞌJudeei ꞌgõõl ꞌcĩ aggamĩ Yeesu, hĩnĩngĩtĩ baa aga nẽẽg ngaatĩ awantẽẽkĩ nẽẽ ĩhõõggõ thõõth. Nẽẽthĩ, baa hinnia iꞌngolli nẽẽg lothippit cĩ eetu, nĩngĩtĩ ũũnnĩkĩ ĩnõõnnõ nẽ ammanyattĩ õõta.

Maarko 6:20

Baa iꞌngolli Ẽrõõdẽ Yõaannẽ nẽ ẽẽla ĩnõõnnõ, hĩnĩngĩtĩ baa aga aĩ ĩĩn nẽẽ eet ꞌcĩ abũnnaa ꞌcĩ ẽllẽẽmĩthĩ. Nẽ tarĩ, baa ahayũnganni Ẽrõõdẽ gẽrrẽẽt, baa athĩhĩ nyeemuut cĩ Yõaannẽ, tananga accamana ngaatĩ athĩknĩ thõõth cĩnnĩ gẽrrẽẽt.

ꞌLuuka 20:19

Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.

ꞌLuuka 22:2

iita idiimito makayyiooha cĩg paadĩrꞌnyaannu hĩ ꞌlimmanniook cĩg nyattaalak, ꞌgõõl ꞌcĩ occa aruhi Yeesu. Hĩnĩngĩtĩ baa ammũdeek itieelli nẽẽg eeta.

Yõaannẽ 10:41

Nĩngĩtĩ auuni eeta ꞌcĩg mẽẽlĩg hĩ ĩnõõnnõ nẽ ĩĩtõ, “Tananga nga hĩdĩman Yõaannẽ thõõth umwa ꞌcĩ ĩnaat eeta, baa nẽ ikia ĩĩ thõõth ꞌcĩ aduha nẽẽ, hĩnĩngĩtĩ Yeesu ho dĩdĩ.”

Dtiicanĩ cĩg ꞌThooyyiahu 5:26

Nĩngĩtĩ ĩꞌngaannĩ makayyioohiti cĩ athegereeꞌnyanu hĩ athegereeꞌnya nẽ ũũk aꞌnyaha ꞌthooyyiak. Nẽẽthĩ, baa hõllõngaa õõ agurra ĩhõõggõ ꞌtirriaana, hĩnĩngĩtĩ baa iꞌngolli pee ngaatĩ hatĩ avvirriicanĩ eeta ĩhõõggõ biyyiẽẽnĩ.