Maarko 11:1 - ꞌBuuk cĩ Thõõth cĩ Nyekuci

¹ Ma baa õbõktĩ Yeesu hĩ nuyyiook cĩgĩnnĩg õdõlanit ꞌJeruꞌthalẽm, iita uppwaattak ꞌtaaũnniook ꞌcĩg haĩ Bẽthvaje hĩ Bẽthani Muuraa cĩ Olivi. Ma nĩngaata, ikia ĩꞌthõ Yeesu nuyyiook cĩgĩnnĩg ꞌramma hutuattĩ hõõt ĩĩcĩ oou.

Maarko 11:1 ပူးပေါင်းရင်းမြစ်များ

Maatteeo 21:17

Nĩngĩtĩ ũũnnĩkĩ Yeesu ꞌtaaũn nẽ ũũk ĩĩcĩ õlõ cĩ Bẽthani, ngaatĩ baa õkõ oongiyyi.

Maatteeo 24:3

Ma baa urutaa cĩnnĩ, baa nga iccioloongan Yeesu loota ũbũtaa cĩ Muur cĩ Olivi, iita ummuddioothĩk nuyyiooha cĩgĩnnĩg ĩnõõnnõ ẽmmẽn nẽ ijinit ĩĩttĩk, “Adĩmanni hatĩ thõõth ciee hatĩngaan? Ne hatĩ ꞌcĩ ẽtẽrꞌtha aĩ, akuu hatĩ niina, hĩ decciaanĩt cĩ lootu?”

Maatteeo 26:30

Ma baa ebenit nẽẽg tẽgẽl umwa, iita õõt nẽẽg ĩĩcĩ Muur cĩ Olivi.

Maarko 11:2

Baa aduhaak Yeesu ĩhõõggõ anneek, “Õõt õlõõ ꞌcĩ acinooꞌthu hata nẽ ma uduhuttu, ammũdoothiku hatĩ thigir ꞌcĩ hidici ꞌcĩ ecebbi ꞌcĩ nga hõtõõĩ eet umwaa ũdũt. Õõgta noho nẽ aꞌnyaktaau ngaati.

Maarko 13:3

Ma baa uruta, ũũk iccioloongan Yeesu Muura hujjieen ĩcĩ Olivi ngaatĩ abakꞌthõõ hĩ ꞌCieeth cĩ Nyekuci. Ma nĩngaata, iita ijinit Pẽẽtũrũ hĩ ꞌJeemith hĩ Yõaannẽ hĩ Andrea ĩnõõnnõ ĩĩcĩ burki ĩĩttĩk,

Maarko 14:13

Ma nĩngaata, ĩꞌthõ Yeesu nuyyiook ꞌramma nẽ ĩĩnnĩk, “Õõt ꞌtaaũna nẽ õõt ommottioou hĩ eet ꞌcĩ aꞌnyak deeri cĩ maamu, ũnnẽẽc ĩnõõnnõ.

Maarko 6:7

Ma nĩngaata, ikia ũtũvvũ nẽẽ ꞌthooyyiak cĩgĩnnĩg õmmõtõ hĩ ꞌramma nẽ ĩꞌthõ ĩhõõggõ hõõt hĩ ꞌramma hĩ ꞌramma nẽ aaꞌnyĩk ꞌtirriani ꞌcĩ õõ iiggiaĩ loriẽẽt ꞌcĩg abathĩ.

Yõaannẽ 8:1

Baa õkõ Yeesu ĩĩcĩ Muur cĩ Olivi.

Dtiicanĩ cĩg ꞌThooyyiahu 1:12

Nĩngĩtĩ alluuccianĩ ꞌthooyyiaha Muuraa cĩ Olivi õõĩ ꞌJeruꞌthalẽma. Nẽ baa õbõhõõ muur ꞌcĩ haĩ Oliv ko hĩ ꞌtaaũn, occa aꞌnyak maaĩl ꞌcĩ ĩĩn ꞌnuth.