Maarko 10:52 - ꞌBuuk cĩ Thõõth cĩ Nyekuci

⁵² Nĩngĩtĩ aduhaakĩ Yeesu ĩnõõnnõ annẽẽkĩ, “Bĩtõ, aaꞌnyi nganiit lemiiniti cunni bũna.” Ma hĩdĩĩkoothong ĩcĩnĩ nẽẽnĩ, nĩngĩtĩ ẽdẽcĩ ꞌgõõl anũõõꞌthĩ Yeesu.

Maarko 10:52 ပူးပေါင်းရင်းမြစ်များ

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 12:22

Ma ho, aꞌnyaktaak eeta Yeesu eet umwa ꞌcĩ rubenĩ ꞌcĩ ijjiaaki kim nẽ aꞌnyak lori ꞌcĩ abathĩ, nĩngĩtĩ aaꞌnyĩkĩ Yeesu ĩnõõnnõ hũbũna hikia hõthõõth nẽ ĩcĩnĩ.

Maatteeo 15:28

Ẽdẽcĩ Yeesu anneek, “Ngaa cieeni, aꞌnyahi nii lemiinit cobbi gẽrrẽẽt! Hẽlẽma naa thõõth ꞌcĩ ajini nii ho.” Nĩngĩtĩ abũnnayyĩ bũhaanyĩnĩ ꞌthaa niccia noho.

Maatteeo 21:14

Ma nĩngaata, iita eeta ꞌcĩg rubettĩg hĩ ꞌcĩg ĩĩn ꞌngoolliak hĩ Yeesu ꞌCieethaa cĩ Nyekuci, nĩngĩtĩ aaꞌnyĩkĩ nẽẽ ĩhõõggõ vẽlẽk hũbũttaathõ.

Maatteeo 8:3

Nĩngĩtĩ ataadĩkĩ Yeesu aꞌthiit cĩnnĩ ẽllaa cĩ eet nicci nẽ ĩĩnnĩk, “Hadiimmii naa nganiit bũna.” Nĩngĩtĩ aꞌnginõõꞌthĩ helleggeri noho matadaꞌnyak.

Maatteeo 9:22

Ma ho, ubbuudi Yeesu nẽ udtuuha ĩnõõnnõ nĩngĩtĩ annẽẽkĩ, “Aꞌnyĩĩk ꞌthĩnĩt hõkõm tĩnaatĩ. Aaꞌnyi lemiiniti cunni bũna.” Ma ꞌthẽk nĩngaata noho, ũbũna ngaa niccieeni.

Maarko 1:31

Nĩngĩtĩ õkõõĩ nẽẽ hõbõktõ hĩ nangẽrẽb nẽ aggam ĩnõõnnõ aꞌthiit cĩnnĩ nẽ õdõng haau ꞌjieena. Ma hĩdĩĩkoothong, ikia ũtũngeek ĩnõõnnõ abuurꞌtheta, nĩngĩtĩ adticanõõthĩkĩ nẽẽ ĩhõõggõ.

Maarko 5:34

Ma nĩngaata, ĩĩnnĩk Yeesu ngaa nicci, “Aaꞌnyi lemiiniti cunni nganiit bũna, bĩĩt taliitta nẽ aau lõꞌngõõc pĩĩrnattaa baa nunni.”

Maarko 8:25

Ma nĩngaata, ataadĩk Yeesu ĩnõõnnõ athĩn hẽbẽrẽẽnnĩ tarĩ. Ma ngaati, ĩcĩnĩ ẽẽtĩ lõꞌngõõc, hĩnĩngĩtĩ ũbũttaathõ hẽbẽrĩ nẽ ĩcĩn hẽlẽggĩ vẽlẽk jurrung.

ꞌLuuka 7:50

Nẽ uduhaak Yeesu ngaa nicci ĩĩnnĩk, “Ẽẽlaii nganiit lemiiniti cunnẽẽnĩ. Bĩĩt lõꞌngõõc.”

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

Yõaannẽ 9:32

Nganĩngĩtĩ ẽhẽnytaanĩ lõõcĩ, nga hĩthĩhĩt eeta eet ꞌcĩ aaꞌnyĩk eet ꞌcĩ arrittiaa ruben hĩcĩnĩ.

Yõaannẽ 9:39

Nẽ ĩĩnnĩk Yeesu ĩnõõnnõ, “Baa hakuu hetteedi naa thooꞌthiok cĩg looc nicci, hátĩ hĩcĩttĩ eeta ꞌcĩg rubettĩg nẽ ĩĩtõ rubettĩg eeta ꞌcĩg acĩnĩ.”

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’