Maarko 10:43 - ꞌBuuk cĩ Thõõth cĩ Nyekuci

⁴³ Ma haaꞌnyiku thõõth icci haau hõrggẽẽnaa cunuung. Nẽ ma adiim ẽẽtĩ umwaa ĩĩn makayyioohit cunuung, aꞌnyĩĩk ĩnõõnnõ hĩĩ dticciannioohit cĩ ꞌgõõnõgĩ vẽlẽk,

Maarko 10:43 ပူးပေါင်းရင်းမြစ်များ

Maarko 10:42

Nĩngĩtĩ avvaanĩ Yeesu ĩhõõggõ vẽlẽk hõdẽĩ nẽ ĩĩnnĩk, “Agayyu niig habuẽẽtĩĩ ꞌcĩg eet ꞌcĩg hõllõngaa ĩĩn ꞌJudeei, arratan nẽẽg eet cĩggĩĩng nẽ aanytĩk makayyiooha cĩggĩĩng makaaꞌthĩt cĩnĩĩng hagaĩ.

Maarko 10:44

nẽ ma adiim ẽẽtĩ umwaa uwwattẽẽkĩ ꞌgõõnõgĩ, aꞌnyĩĩk nõõ hĩĩ appahaca cĩ eet vẽlẽk.

Maarko 9:35

Nĩngĩtĩ aayyi Yeesu loota nẽ ũtũvva ꞌthooyyiak ꞌcĩg ĩĩn õmmõtõ hĩ ꞌramma ho nẽ ĩĩnnĩk, “Má adiim eet umwaa uwwattĩ, aꞌnyĩĩk hudtuura nẽ ĩĩ dticciannioohit cĩ ꞌgõõnõgĩ vẽlẽk.”

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 18:14

Ma ho, uduha Yeesu ĩĩ, “Haduhaakuung dĩdĩ, luttioohit cĩ occoro ho ꞌcĩ aku accamana Nyekuci, baa ikia õbõdõõthĩ ĩĩcĩ olu hĩllõõan Variꞌtheenit. Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 22:26

Nẽẽthĩ, ma hattiyyu niig buúk hĩ nẽẽgĩ. Aꞌnyĩĩk eet ꞌcĩ maka hõrggẽẽnaa cunuung, haau hĩ loholeec ꞌcĩ hidiciẽẽnĩ nẽ aꞌnyĩĩk eet ꞌcĩ ĩĩn makayyioohit hõrggẽẽnaa cunuung, hĩĩ dticciannioohit.

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

Yõaannẽ 18:36

Ma ho, ẽdẽc Yeesu ĩĩnnĩk, “Hõllõngaa ĩĩn habuccieet caannĩ cĩ looc nicci. Má baa hĩĩ habuccieet caannĩ cĩ looc nicci, occa baa iita eelliawaa dticcianniooha cĩgannĩg nganĩĩt, hiittiõõ hõllõngaa aggamma eeta cĩg ꞌJudeei. Nẽẽthĩ ꞌyioko, aku habuccieet caannĩ looccaa umwaanĩ.”

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.