Maarko 10:39 - ꞌBuuk cĩ Thõõth cĩ Nyekuci

³⁹ Nĩngĩtĩ ẽdẽcĩ ꞌJeemithi hĩ Yõaannẽ aĩnnĩ, “Eeĩ, occa haggamma.” Ma ho, uduhaak Yeesu ĩhõõggõ ĩĩnnĩk, “Abũnnaa, ahũdeennu hatĩ niig hooppoa ꞌcĩ hatĩ hahũdẽẽnĩ naana nẽ hatĩ aggamtu baattithimo ꞌcĩ haggami naana.

Maarko 10:39 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 3:6

nẽ uduktaak ĩnõõnnõ ꞌthẽccanẽẽt cĩggĩĩng, nĩngĩtĩ aggamẽẽkĩ nẽẽ ĩhõõggõ baattithimo hidiowwaa cĩ ꞌJõrdanĩ.

Maarko 14:31

Baa aalla Pẽẽtũrũ ẽppẽhan thõõth bacabac aĩ, “Tananga hadaahit naag hĩ nganiita, hõllõngaa hatĩ huunnikii naa nganiit ũdũt!” Nẽ baa õthõõth ꞌthooyyiaha vẽlẽk thõõth nicci dioo noho.

Maarko 14:36

Nĩngĩtĩ alaiini nẽẽ aĩnnĩ, “Baaba! Aitiõõ ꞌgii ꞌcĩ anyamannii nganiit tõõ. ꞌTiik hooppo cĩ ꞌcannan icci battaala ẽllaa caannĩ. Nẽẽthĩ, aꞌnyĩĩk hĩdĩmanĩ tabiiniti cunni hĩcĩ atabi niina, hõllõngaa hĩcĩ hatabi naana.”

Yõaannẽ 13:37

Nẽ ijin Pẽẽtũrũ ĩnõõnnõ tarĩ ĩĩnnĩk, “Makayyioohit, hookorit ꞌyioko hõdẽĩ, hatabi naa hadaahi, hĩnĩngĩtĩ nganiita!”

Yõaannẽ 15:20

Ummuhuttooth thõõth baa haduhaakuung naa hanneekuung, ‘Aitiõõ dticciannioohiti ꞌcĩ maka hĩllõõan makayyioohit cĩnnĩ tõõ.’ Má baa adĩmannaa nganĩĩt eeta ꞌbuth, adĩmannuung hatĩ ngagiit buúk ꞌbuth. Má baa athĩhĩ nẽẽg ꞌlimman caannĩ, athĩhĩ hatĩ cunuung buúk.

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Dtiicanĩ cĩg ꞌThooyyiahu 12:2

Baa aduhaak nẽẽ athegereeꞌnya hetteeddia õõ cĩ ꞌJeemithi ꞌgõtõnĩ Yõaannẽ.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.