Maarko 10:32 - ꞌBuuk cĩ Thõõth cĩ Nyekuci

³² Baa uwwattĩ Yeesu ẽdẽcĩ ꞌgõõl hĩ nuyyiook cĩgĩnnĩg õõ ĩĩcĩ ꞌJeruꞌthalẽmĩ. Nẽ baa abulan nuyyiook thõõth ꞌcĩ õkõõĩ Yeesu ꞌJeruꞌthalẽma ho gẽrrẽẽt, nĩngĩtĩ abarti eeta ꞌcĩg anũa ĩhõõggõ uruta buúk. Ma nĩngaata tarĩ, ũũhĩ nẽẽ nuyyiook ꞌcĩg ĩĩn õmmõtõ hĩ ꞌramma ho ngadiiha nẽ ũũk uduhaak thooꞌthiok ꞌcĩg hatĩ õõ edeeꞌnyiak ĩnõõnnõ ꞌJeruꞌthalẽma.

Maarko 10:32 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

Maarko 1:27

Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

Maarko 4:34

Aitiõõ nẽẽ hõllõngaa aduhaak eet thõõth haaga, aduhaak thooꞌthiohĩĩ ꞌcĩg ammiꞌthi nẽ ma aau ẽmmẽn hĩ nuyyiook cĩgĩnnĩg, ẽddẽẽbak ĩhõõggõ thõõth vẽlẽk cũrũmũũm.

ꞌLuuka 10:23

Ma ho, ĩgõrĩthaak nuyyiook ngadiiha ĩĩnnĩk, “Aggatatteeu niig ngaatĩ aaꞌnyuung Nyekuci ĩcĩnĩt thooꞌthiok ꞌcĩg acinnu niig ꞌyioko ho.

ꞌLuuka 19:28

Ma baa ẽdẽcaak Yeesu ngaatĩ aduhaanĩ thõõth icci, ĩtĩnga ũũk ĩĩcĩ ꞌJeruꞌthalẽmĩ.

ꞌLuuka 9:51

Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.

Yõaannẽ 11:16

Ma ho ẽdẽc Tomaaꞌthio ꞌcĩ haĩ ꞌthaar ũgĩ Diidimo, nĩngĩ gõõng haĩ naag hũũhũꞌnya, uduhaak ꞌgõõnõgĩ ĩĩnnĩk, “Hõõt naag buúk hadaahit hõdẽĩ hĩ Yeesu.”

Yõaannẽ 11:8

Ẽdẽcĩ nuyyiooha cĩgĩnnĩg ĩnõõnnõ anneek, “ꞌLimmannioohit, iyyia nõõ atab õhõdaanni eeta cĩg ꞌJudeei nganiit biyyiẽẽnĩ aa ꞌyiohoothong nẽ ꞌyioko idiim obodoothu ĩĩca tarĩ?”