Maarko 10:26 - ꞌBuuk cĩ Thõõth cĩ Nyekuci

²⁶ Baa nẽ ikia ubulan nuyyiook thõõth ciee gẽrrẽẽt hĩllõõan. Nĩngĩtĩ ajinõõnĩ nẽẽg ẽmmẽn aĩnnĩ, “Ma aaĩ thõõth ciee hoti, nẽẽthĩ occa hatĩ ĩĩ nganĩ ꞌcĩ eelliaa ho?”

Maarko 10:26 ပူးပေါင်းရင်းမြစ်များ

Maarko 10:25

Ammũjĩ ngaatĩ occa adukni nyaakaalĩ hutuli cĩ lĩbbĩraaõ hĩllõõan ngaatĩ occa adukni ẽẽtĩ ꞌcĩ aballi habuccieet cĩ Nyekuci.”

Maarko 10:27

Ẽggẽlẽẽm hinnia Yeesu nuyyiook nẽ ĩĩnnĩk, “Õkõmĩ thõõth ciee hĩ eeta, nẽẽthĩ, aitiõõ ꞌgii ꞌcĩ aꞌnyaman Nyekuc tõõ, hĩnĩngĩtĩ ammũjĩ hẽlẽggĩ vẽlẽk hĩ ĩnõõnnõ.”

Maarko 6:51

Ma baa õtõd Yeesu ũũk haahũlatõõ, ikia ĩbĩl ngõõtĩ nẽ ĩtĩnaacõ nuyyiooha cĩgĩnnĩg thõõth icci gẽrrẽẽt,

Maarko 7:37

Baa ĩnaat eeta vẽlẽk baag athĩhĩ ĩnõõnnõ gẽrrẽẽt nẽ othoothito ĩĩtõ, “Adĩman Yeesu hẽlẽggĩ vẽlẽk jurrung! Aaꞌnyĩk aattĩ eet ꞌcĩg adĩĩtĩ ĩĩna hĩthĩktõ nẽ aaꞌnyĩk eet ꞌcĩg idiaddiabanni hothoothito jurrung.”

ꞌLuuka 13:23

Ma ho, ikia ijin eet umwaa ĩnõõnnõ ĩĩnnĩk, “Makayyioohit, eelliaa ꞌthẽk hatĩ eeta vẽlẽk, hode eelliaa hatĩ eeta ꞌcĩg abadtẽc haaga?” Ẽdẽcĩ Yeesu eet tĩho anneek,

ꞌLuuka 18:26

Nĩngĩtĩ ajini eeta ꞌcĩg baag aattĩg nĩngaata Yeesu annẽẽkĩ, “Eet occa thĩ hatĩ ꞌcĩg aattĩg hutuno ꞌcĩg occa eelliaa?”

Dtiicanĩ cĩg ꞌThooyyiahu 16:31

Ẽdẽcĩ Paaulo hĩ ꞌThĩĩla anneek, “Ẽlẽ, lẽẽm Makayyioohit Yeesu, hátĩ eellia nii hĩ halang cunni vẽlẽk.”

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.