Maarko 10:24 - ꞌBuuk cĩ Thõõth cĩ Nyekuci

²⁴ Ma nĩngaata, iita aꞌngalilli nuyyiooha, hĩnĩngĩtĩ thõõth cĩnnĩ ho gẽrrẽẽt. Ma ho, õthõõth Yeesu tarĩ ĩĩ, “Lõhõlẽẽtĩg, õkõmĩ gẽrrẽẽt ngaatĩ adukni ẽẽtĩ habuccieet cĩ Nyekuci!

Maarko 10:24 ပူးပေါင်းရင်းမြစ်များ

Maatteeo 19:25

Ma baa athĩhĩ nuyyiooha thõõth icci ho, iita ukullieek ꞌjieen gẽrrẽẽt nẽ ijinit Yeesu ĩĩttĩk, “Nganĩ thĩ ꞌcĩ occa eelliaa loota nĩnga?”

Maarko 1:27

Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

Maarko 10:23

Ma ho, ubbuud Yeesu looc nẽ ĩĩnnĩk nuyyiook cĩgĩnnĩg, “Õkõmĩ gẽrrẽẽt ngaatĩ adukni balliooha habuccieet cĩ Nyekuci!”

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

Yõaannẽ 13:33

“Lõhõlĩ cĩgannĩg, harũmĩ hatĩ naag hĩ ngagiit ꞌthaa ꞌcĩ abadtẽc haaga. Adiimmaangu hatĩ niig nganĩĩta, hĩ baa haduhaahi naa eet cĩg ꞌJudeei, nẽẽthĩ ꞌyioko, haduhaakuung ngagiit buúk. Ĩĩcĩ hõkõõĩ naa ho, hõllõngaa occa auunnu niig buúk.

Yõaannẽ 21:5

Nĩngĩtĩ aũyyĩ Yeesu ĩhõõggõ annẽẽkĩ, “Lõggõõ niccieegi! Nga aggamit ulugo ũgĩ buúk?” Ẽdẽcĩ nẽẽg aĩ, “Aitiõõ tõõ!”

Yõaannẽ 6:60

Ma baa athĩhĩ nuyyiooha cĩgĩnnĩg thõõth icci ho, iita othoothito ꞌcĩg mẽẽlĩg ĩĩtõ, “Õkõmĩ ꞌlimmanĩ ciee gẽrrẽẽt, nganĩ ꞌcĩ occa ẽlẽmĩ?”

ꞌGalaaꞌthia 4:19

Lohollia cĩgannẽẽgĩ! Ahuccieeka nganĩĩt thõõth cunuung ꞌcĩ ũtũngteehu thõõth ꞌcĩ ĩĩn dĩdĩ, haau hĩ ngaa ꞌcĩ attur ꞌgoonnia nẽ aalla hatĩ huciithi ciee ĩꞌthõng iita elemit niig Yeesu Krĩstõ rũgẽtaa cunuung dĩdĩ.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

1 Yõaannẽ 2:1

Lõhõlĩ cĩgannĩg, hẽhẽẽdakuung naa ngagiit waraga icci, hátĩ hiittiõõ hõllõngaa adĩmannu ꞌthẽccanẽẽt. Nẽẽthĩ, má ĩdĩmattu ꞌthẽccan, adĩman Yeesu Krĩstõ Ẽẽtĩ ꞌcĩ Abũnnaa hõdõõkõthĩ, thõõth ꞌcĩ aũlanĩ nẽ aduhaak hatĩ nẽẽ Maaꞌnyĩ hũtũngeek ꞌthẽccanẽẽt cĩggaac.

1 Yõaannẽ 4:4

Niig lohollia, ĩĩgĩnnu niig cĩg Nyekuci nẽ ĩllõõattu põrõvẽtaaꞌnya ꞌcĩg ĩĩn oloꞌngiaak ko. Hĩnĩngĩtĩ ĩllõõan Lorii ꞌcĩ aaĩ hĩ ngagiit ko, lori ꞌcĩ aaĩ loota nĩnga ho.

1 Yõaannẽ 5:21

Niiga lõhõlẽẽtĩg, ũtũbũrĩt hẽlẽggĩ ꞌcĩg aar eeta hĩĩtõ nyekuꞌnya.

Terethiinit 3:17

Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny.