Maarko 10:22 - ꞌBuuk cĩ Thõõth cĩ Nyekuci

²² Ma baa athĩhĩ ẽẽtĩ nicciee thõõth icci ho, uꞌngurruunyi muum cĩnnĩ nẽ ũtũhũĩ ũũk mothiitta, hĩnĩngĩtĩ baa aballi nẽẽ gẽrrẽẽt.

Maarko 10:22 ပူးပေါင်းရင်းမြစ်များ

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maatteeo 19:22

Ma baa athĩhĩ nyahaappanĩ nicciee thõõth cĩ Yeesu ho, ikia õmmõthĩ nẽẽ gẽrrẽẽt nĩngĩtĩ õkõõĩ, hĩnĩngĩtĩ baa aballi nẽẽ gẽrrẽẽt.

Maatteeo 27:3

Ma baa acĩn ꞌJuuda baa õhõppõõcan ĩnõõnnõ ngaatĩ ẽttẽẽdõthõõthĩkĩ Yeesu daahĩthĩ ho, ikia õmmõthĩ nẽẽ gẽrrẽẽt, hĩnĩngĩtĩ ꞌgii baa adticaneek nẽẽ Yeesu. Nĩngĩtĩ õbõdẽẽkĩ ꞌrabbẽẽt ꞌcĩg hũtũrĩg ĩĩn maccĩrẽẽn hẽẽn iyyio, hĩ makayyiook cĩg paadĩrꞌnyaannu hĩ makayyiook cĩg eetuk.

Maarko 10:21

Nĩngĩtĩ akannĩ Yeesu ĩnõõnnõ hẽbẽrĩ jurrung mĩnnaniitta nẽ ĩĩnnĩk, “Adiimi nii ꞌgii hõdẽẽthõng diooni ꞌcĩ nga uunnihi niina. Bĩĩt tũũõĩ hẽlẽggĩ vẽlẽk ꞌcĩg aꞌnyahi niina nẽ eꞌngereehu ꞌrabbẽẽt tĩko eet ꞌcĩg ĩĩn hullaha, nẽẽthĩ hátĩ aꞌnyahu baliinit cunni hẽẽtahujjieen nẽ õbõda ikia ũnũa nganĩĩta.”

Maarko 10:23

Ma ho, ubbuud Yeesu looc nẽ ĩĩnnĩk nuyyiook cĩgĩnnĩg, “Õkõmĩ gẽrrẽẽt ngaatĩ adukni balliooha habuccieet cĩ Nyekuci!”

Maarko 6:20

Baa iꞌngolli Ẽrõõdẽ Yõaannẽ nẽ ẽẽla ĩnõõnnõ, hĩnĩngĩtĩ baa aga aĩ ĩĩn nẽẽ eet ꞌcĩ abũnnaa ꞌcĩ ẽllẽẽmĩthĩ. Nẽ tarĩ, baa ahayũnganni Ẽrõõdẽ gẽrrẽẽt, baa athĩhĩ nyeemuut cĩ Yõaannẽ, tananga accamana ngaatĩ athĩknĩ thõõth cĩnnĩ gẽrrẽẽt.

Maarko 6:26

Baa aaꞌnyĩk thõõth ciee habu hõmõthĩ gẽrrẽẽt nẽ occa hõllõngaa abũrĩ thõõth cĩ bũhẽẽc nicci buúk, hĩnĩngĩtĩ baa ũbũtan nẽẽ muumtinii cĩg heerinniook cĩgĩnnĩg ko vẽlẽk.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 18:23

Ma athĩhĩ ꞌgaalacĩ ciee thõõth icci ho, ikia õmõthĩ gẽrrẽẽt, hĩnĩngĩtĩ baa ĩĩn nẽẽ eet ꞌcĩ aballi gẽrrẽẽt.

2 Korinthia 7:10

Ma aaꞌnyuung ngagiit Nyekuci mothiinit gẽrrẽẽt, aĩ nẽẽ, hátĩ oboddiooth niig hĩ ĩnõõnnõ, hátĩ heellia eleeti cugguung, occa aitiõõ ꞌgii umwaa ꞌcĩ ommothiinnu niig tõõ, hĩnĩngĩtĩ thõõth icci. Nẽẽthĩ, ma aaꞌnyuung ngagiit lõõcĩ ciee mothiinit, aku hinnia aꞌnyahaakuung ngagiit daahĩth.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.