Maarko 10:2 - ꞌBuuk cĩ Thõõth cĩ Nyekuci

² Ma nĩngaata, iita ummuddieek Variꞌtheei ũgẽẽgĩ ĩnõõnnõ nẽ ĩttĩmanit ngaatĩ ajini annẽẽkĩ, “Ẽlẽmĩ nyattalĩ ngaatĩ occa õõgĩ ẽẽtĩ ngaa cĩnnĩ?”

Maarko 10:2 ပူးပေါင်းရင်းမြစ်များ

Maatteeo 15:12

Nẽ iita ijinit nuyyiooha cĩgĩnnĩg ĩnõõnnõ ĩĩttĩk, “Aga nii ngaatĩ õdõõmĩ Variꞌtheei thõõthaa ĩĩaa aduha niina?”

Maatteeo 16:1

Ma ho, ummuddiaak Variꞌtheei hĩ Thadutheei Yeesu nẽ idiimito ĩttĩmanit ĩnõõnnõ ngaatĩ ajini thõõth ꞌcĩ ĩnaat eeta ꞌcĩ aku hẽẽtahujjieen.

Maatteeo 19:3

Ma ho, ĩttĩmanit Variꞌtheei ũgẽẽgĩ ĩnõõnnõ ĩĩttĩk, “Ẽlẽmĩ nyattalĩ cĩ Mũũꞌtha ngaatĩ õõgĩ ẽẽtĩ ngaa cĩnnĩ, hatĩ aꞌnyak thõõth ꞌcĩ abathĩ?”

Maatteeo 22:35

Nĩngĩtĩ aku ajini Variꞌtheeniti umwaa ꞌcĩ aga nyattal cĩ Mũũꞌtha jurrung Yeesu, ngaatĩ aku attĩmanĩ ĩnõõnnõ ajini annẽẽkĩ,

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 9:34

Baa hinnia aĩ Variꞌtheei, “Habu cĩ loriẽẽt ꞌcĩg abathĩ ꞌcĩ aaꞌnyĩk ĩnõõnnõ makaaꞌthĩt ꞌcĩ iiggiaĩ loriẽẽt ꞌcĩg abathĩ ho.”

Maarko 10:1

Baa ikia ũtũngeek Yeesu looc cĩ Kapernaumĩ nẽ ũũk ĩĩcĩ looc cĩ ꞌJudeea nẽ ũũk abaahĩ lĩĩl cĩ hidioo cĩ ꞌJõrdanĩ. Baa aalla aluttiaak lothippiti cobbi gẽrrẽẽt ĩnõõnnõ tarĩ, nĩngĩtĩ allimanĩ ĩhõõggõ hĩ gõõng hõdõõkõthĩ.

Maarko 10:3

Ma ho, ẽdẽc Yeesu ĩhõõggõ ĩĩnnĩk, “Aduhaakuung baa nyattalĩ cĩ Mũũꞌtha ngagiit anneekuung neegi?”

Maarko 8:11

Ma baa ĩthĩhĩt Variꞌtheei aĩ õdõlan Yeesu, iita iꞌthiattaaĩ nẽẽg ẽppẽhattõõ hĩ ĩnõõnnõ. Baa attĩman nẽẽg ĩnõõnnõ hidtican thõõth ꞌcĩ ĩnaat eeta ꞌcĩ aku hẽẽtahujjieen, hẽtẽrẽtha makaaꞌthĩt cĩnnĩ.

Maarko 8:15

Ma nĩngaata, uduhaak Yeesu ĩhõõggõ ĩĩnnĩk, “Ĩcĩnĩt jurrung nẽ aaut dĩkĩĩm, ĩĩtõ ꞌrẽẽttĩg hĩ abũũla cĩg Variꞌtheei hĩ cĩg Ẽrõõdẽ.”

ꞌLuuka 11:39

Nĩngĩtĩ annẽẽkĩ Makayyioohiti ĩnõõnnõ, “Uuꞌnyu niig Variꞌtheei lohilihilit hĩ hẽddẽmĩ battaali dioo, nẽ ĩĩttõõ ĩĩgĩnnu eet ꞌcĩg abbĩꞌthĩĩ lõbõlõbẽẽꞌthĩt hĩ ꞌthẽccan dioo.

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

ꞌLuuka 5:30

Ongoongoeek hinnia Variꞌtheei hĩ ꞌlimmanniook cĩg nyattaalak nuyyiook cĩg Yeesu nẽ ijinit ĩĩttĩk, “Aduheennu gõõng hĩ eet ꞌcĩg alũt occoro hĩ ꞌthẽccanniook hõdẽĩ inni?”

ꞌLuuka 6:7

Baa arrĩĩppan Variꞌtheei hĩ ꞌlimmanniook cĩg nyattaalak, ꞌgõõl ꞌcĩ occa adtuuhanĩ Yeesu ngaatĩ adĩmanĩ thõõth ꞌcĩ abathĩ, hátĩ hõhõppõõcanit ĩnõõnnõ haggamĩ. Nĩngĩtĩ akannĩ nẽẽg ĩnõõnnõ hẽbẽrĩ jurrung, hudtuukta hatĩ má occa ẽẽla eet Kõrraa cĩ ꞌYiommaanõ ho.

ꞌLuuka 7:30

Baa hinnia abũrĩ Variꞌtheei hĩ ꞌlimmanniook cĩg nyattaalak thõõth cĩ Nyekuci, hĩnĩngĩtĩ baa nga haggameek Yõaannẽ ĩhõõggõ baattithimo.

Yõaannẽ 11:47

Nĩngĩtĩ alũtẽẽnĩ makayyiooha cĩg paadĩrꞌnyaannu hĩ Variꞌtheei hĩ lothippit ꞌcĩ makayyioohu nẽ utuvvuyyia mõtõõnĩt lokihooa nẽ utuhanit thõõth ĩĩtõ, “Hadĩman occa hutuno? Adtican ẽẽtĩ ciee thooꞌthiok ꞌcĩg mẽẽlĩg ꞌcĩg ĩnaat eeta.

Yõaannẽ 11:57

Nẽẽthĩ, baa ĩꞌthõõcõ makayyiooha cĩg paadĩrꞌnyaannu hĩ Variꞌtheei nyeemuut ꞌcĩ aĩ, má udtuuha eet umwaa nĩngĩtĩ aayyi Yeesu, aꞌnyĩĩk huduha hatĩ haggamĩ.

Yõaannẽ 7:32

Ma baa athĩhĩ Variꞌtheei eet ngaatĩ õꞌngõmtĩ thõõth ꞌcĩ Yeesu lothippitatõõ ho, iita ulutti hĩ makayyiook cĩg paadĩrꞌnyaannu nẽ ĩꞌthõõcõ athegereeꞌnya ꞌcĩ ẽbẽk ꞌCieeth cĩ Nyekuci hõõt haggamit Yeesu.

Yõaannẽ 7:48

ꞌYioko occa aau makayyioohiti umwaa hode Variꞌtheeniti ꞌcĩ ẽlẽm ĩnõõnnõ?

Yõaannẽ 8:6

Baa ajin nẽẽg Yeesu hoti, hummuddia ꞌgõõl ꞌcĩ occa aggamĩ ĩnõõnnõ. Nẽẽthĩ, baa aggiingi hinnia Yeesu nẽ ẽtẽhẽẽd looc attiaa cĩnnĩ.

1 Korinthia 10:9

Occa hõllõngaa hattĩman naag Makayyioohit hĩ baa attĩman eeta ũgẽẽgĩ hõrggẽẽnaa cĩnĩĩng nẽ iita adahit ĩhõõggõ hũkaaꞌnya.