Maarko 10:17 - ꞌBuuk cĩ Thõõth cĩ Nyekuci

¹⁷ Ma baa iꞌthianaaĩ Yeesu weet, avvira hinnia ẽẽtĩ umwaa hikia hakat huruꞌnyia muumaa cĩnnĩ nẽ ĩĩnnĩk, “ꞌLimmannioohit ꞌcĩ abũnnaa, hadĩmani occa naa hutuno, hátĩ hũmmũda rũgẽt ꞌcĩ aalla ooo?”

Maarko 10:17 ပူးပေါင်းရင်းမြစ်များ

Maatteeo 17:14

Ma baa uppwaannak Yeesu hĩ nuyyiook cĩgĩnnĩg eet ũgĩ ho, ikia akateek ẽẽtĩ umwaa Yeesu huruꞌnyia nẽ ĩĩnnĩk,

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 28:8

Nĩngĩtĩ aꞌthũkcĩ ngaaĩ niccieeg ũũnnĩkĩ ꞌlook hõõt huduktaak nuyyiook cĩgĩnnĩg, tananga itieelli, baa accamanoothĩk pee.

Maarko 1:40

Baa aku eet umwaa ꞌcĩ adak helleggeri ammũdaak Yeesu nẽ akateek ĩnõõnnõ huruꞌnyia nẽ ĩĩlaleek ĩĩnnĩk, “Má atabi, aꞌnyaa hũbũna.”

Maarko 10:18

Ẽdẽcĩ hinnia Yeesu ĩnõõnnõ anneek, “Aũyyaa nii nganĩĩt anneeka habũnnaa inni? Aitiõõ ẽẽtĩ ꞌcĩ abũnnaa tõõ, Nyekuc dioo ꞌcĩ abũnnaa.

Maarko 12:14

Ma ho, ummuddieek nẽẽg Yeesu nẽ ijinit ĩĩttĩk, “ꞌLimmannioohit, hagayyĩa naag aduha nii thõõth ꞌcĩ ĩĩn dĩdĩ nẽ hõllõngaa itieelli thooꞌthiok ꞌcĩg ammuk eeta. Nẽ tarĩ hõllõngaa aallahi makaaꞌthĩt cĩ eetu, nẽẽthĩ, allimani eet thõõth cĩ Nyekuci ꞌcĩ ĩĩn dĩdĩ. Duhaaheet da, abathĩ occa nyattaalaa cĩnaang ngaatĩ hadũmaneeka habu cobbi cĩ ꞌRooma occoro, hode abũnnaa ngaatĩ hadũmaneeka?

Maarko 9:25

Ma baa acĩn Yeesu lothippit ngaatĩ ẽẽjẽhaanĩ hõbõktõ hĩ ĩhõõggõ ojoonu ho, ikia eggerenyeek lori ꞌcĩ abathĩ ho ĩĩnnĩk, “Lorii ꞌcĩ adĩĩtennii ĩĩna nẽ hõllõngaa othoothi ho, haduhaakii naa hanneekii, duhuna ẽllaa cĩ loholeeco nẽ ma ꞌthẽk nga haduhuni ẽllaa cĩnnĩ tarĩ!”

ꞌLuuka 10:25

Baa aku ajin ẽẽtĩ umwaa ꞌcĩ aga nyattal cĩ Mũũꞌtha gẽrrẽẽt Yeesu anneek, “ꞌLimmannioohit, ne occa ꞌthẽk ꞌcĩ occa hadĩmani naa, hátĩ haaꞌnya Nyekuci hũrũg ũdũt?”

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Yõaannẽ 6:40

Hĩnĩngĩtĩ tabiiniti cĩ Baaba, adiim eet vẽlẽk ꞌcĩg acĩn Ngeerĩnĩ nẽ elemit ĩnõõnnõ, humuddia rũgẽt ꞌcĩ aalla ooo nẽ hũrũgũthaa ĩhõõggõ kõr cĩ decciaanĩt cĩ lootu.”

Dtiicanĩ cĩg ꞌThooyyiahu 16:30

Nĩngĩtĩ aꞌnyahaanĩ nẽẽ Paaulo hĩ ꞌThĩĩla battaala nẽ ijin ĩĩnnĩk, “Makayyiook cĩgannĩg, hogooni occa naa hutuno hatĩ hẽẽla ẽlẽ caannĩ?”

Dtiicanĩ cĩg ꞌThooyyiahu 2:37

Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 9:6

Nẽẽthĩ ꞌyioko, tĩnga bĩĩt ꞌtaaũnatõõ hũũk heterethoothihii thõõth ꞌcĩ hatĩ õkõ adĩmani.”

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Tiito 3:7

hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

1 Pẽẽtũrũ 1:4

Aꞌnyak Nyekuci ꞌgiimwa ꞌcĩ iyyiangtheekuung ngagiit hẽẽtahujjieen, ngaatĩ hõllõngaa occa õꞌngõllĩ hode ẽꞌthẽcanniini hode aꞌnginõõꞌthĩ.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.