Maarko 10:14 - ꞌBuuk cĩ Thõõth cĩ Nyekuci

¹⁴ Ma baa õrõõta Yeesu thõõth icci ho, ikia ĩlĩĩlĩ nẽẽ nẽ ĩĩnnĩk nuyyiook, “Aanytĩk lõhõlĩ hiita hĩ nganĩĩta, ma halaammu ĩhõõggõ, hĩnĩngĩtĩ adiim habuccieet cĩ Nyekuci eet ꞌcĩg aattĩg hĩ lohollia cieegi.

Maarko 10:14 ပူးပေါင်းရင်းမြစ်များ

ꞌThianaattõ 17:7

Haꞌthũũnnĩ hatĩ naa lõhõt ꞌcĩ hadak hĩ nganiit ko, ĩꞌthõng hõdõlan lõhõlĩ cĩg lõhõlĩ cugunnig vẽlẽk irkiꞌnyia hĩ irkiꞌnyia. Hĩĩnĩ hatĩ naa Nyekuc cunni hĩ cĩ lõhõlĩ cugunnig urutaa cunni buúk.

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 18:4

Nẽẽthĩ hoti ho, ẽẽtĩ ꞌcĩ hõllõngaa õdõng ẽlẽ cĩnnĩ haau hĩ loholeec ciee hidici ho, maka nẽẽ gẽrrẽẽt habuccieetaa cĩ hẽẽtkujjieen.

Maatteeo 19:14

Ẽdẽcĩ Yeesu ĩhõõggõ anneek, “Aꞌnyĩĩk lõhõlĩ ꞌcĩg kidicig hiita hĩ nganĩĩta, ma habĩllu ĩhõõggõ! Eet ꞌcĩg aattĩg hĩ lohollia cieeg kidicig ko, ꞌcĩg ĩĩn eet cĩg habuccieet cĩ hẽẽtkujjieen.”

Maatteeo 5:10

ꞌGattan hĩ eet ꞌcĩg adĩman eeta ꞌbuth, hĩnĩngĩtĩ thõõth ꞌcĩ aũlanĩ, ĩĩn hatĩ habuccieet cĩ hẽẽtkujjieen cĩnĩĩng.

Maatteeo 5:3

“ꞌGattan hĩ eet ꞌcĩg appĩĩrna loriia, ĩĩn hatĩ habuccieet cĩ hẽẽtkujjieen cĩnĩĩng.

Maarko 3:5

Nĩngĩtĩ ẽggẽlẽẽmĩ Yeesu ĩhõõggõ lĩĩlĩẽẽttaa nẽ iittiõõ hõllõngaa accamanoothĩk, hĩnĩngĩtĩ baa õkõmĩ ĩhõõggõ ooti. Nẽ uduhaak eet nicci ĩĩnnĩk, “Õõd aꞌthiit cunni hũũlan.” Nĩngĩtĩ õõdĩ nẽẽ aꞌthiit nẽ ũbũna aꞌthiiti cĩnnĩ ho tarĩ!

Maarko 8:33

Ma nĩngaata, ubbuudõthĩ Yeesu nuyyiook cĩgĩnnĩg nẽ eggerꞌnyeek Pẽẽtũrũ ĩĩnnĩk, “Ĩĩnĩ nii ꞌThĩttaan! Bĩĩt ĩĩcĩ bahuc caannĩ.” Nẽ tarĩ ĩĩnnĩk, “Ĩĩn muhẽẽnĩtĩ cunni muhẽẽnĩt cĩ eeto haaga, hõllõngaa ĩĩn cĩ Nyekuci.”

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Dtiicanĩ cĩg ꞌThooyyiahu 2:39

Ĩĩn thõõth ciee adukiaa ho cunuung hĩ lõhõlĩ cugguung. Nẽ ĩĩn thõõth cĩ eet vẽlẽk ꞌcĩg hatĩ ẽbẽra Makayyioohiti Nyekuci cĩnaac, ꞌgoolliohĩ vẽlẽk ĩĩcĩg aattiyyi nẽẽgĩ.”

Dtiicanĩ cĩg ꞌThooyyiahu 3:25

Nẽ iiginnu niig lõhõlĩ cĩg põrõvẽtaaꞌnyanu hĩ cĩg lõhõt baa adak Nyekuci hĩ maajihu. Baa anneek nẽẽ Abũrahaamõ, ‘Ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.’

ꞌRooma 11:16

Má abũnnaa tũkanĩ ꞌcĩ oꞌngoꞌnyi, abũnnaa hatĩ ũbũnẽẽta vẽlẽk. Nẽ má ẽllẽẽmĩth cõrrẽẽna cĩg hẽẽtak, ẽllẽẽmĩth thĩ hatĩ tabana buúk.

ꞌRooma 11:28

Mẽẽlĩg eeta cĩg Ĩꞌthĩraẽlĩ ꞌcĩg ꞌyioko ĩĩn mĩrõk cĩg nyeemuut ꞌcĩ abũnnaa nẽ abũnnaa thõõth ciee hĩ ngagiit eet ꞌcĩg hõllõngaa iiginnu ꞌJudeei. Nẽ nga ĩĩn nẽẽg eet ꞌcĩg ammĩnan Nyekuci noho, hĩnĩngĩtĩ baa ẽbẽra nẽẽ hĩbaangĩ cĩggĩĩng Abũrahaamõ hĩ Iꞌthaako hĩ Yakobo.

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Korinthia 7:14

Maac cunni hode ngaa cunni ꞌcĩ hõllõngaa ĩĩn lemmioohit, ikia ĩĩ tẽlla, hĩnĩngĩtĩ ũꞌthũwanii nganiita. Thõõth icci ꞌcĩ aaꞌnyĩk lõhõlĩ cugguung buúk hĩĩtõ tẽllĩg, hĩcĩ ꞌyioko ẽllẽẽmĩth muumaa cĩ Nyekuci ho.

Eevvetho 4:26

Ma haaꞌnyĩku liilii hĩĩnanaahuung ꞌthẽccan. Ma hooyyu ũꞌnyaahĩ lĩĩlĩẽẽtta,

2 Timotteeo 1:5

Hummuhootha lemiinit cunni ꞌcĩ ĩĩn dĩdĩ, baa aꞌnyak morwahit cunni Yunitha, hĩ morwahit cunni cobbi Loiꞌtha nẽ ꞌyioko hagawa jurrung, aꞌnyahi nii buúk lemiinit tĩho.

2 Timotteeo 3:15

Nganĩngĩtĩ hĩdĩꞌthẽẽtõ, agau nii thooꞌthiok ꞌcĩg eheeddi ꞌBuuhaa cĩ Nyekuci ĩĩcĩ Ẽllẽẽmĩthĩ, ꞌcĩg aaꞌnyi nganiit ꞌgẽẽnyĩth ꞌcĩ agaĩ ꞌgõõl ꞌcĩ aku eellianĩĩ, hĩnĩngĩtĩ lemiinit ꞌcĩ aꞌnyahi hĩ Yeesu Krĩstõ.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

Terethiinit 14:5

Eet ꞌthẽk ꞌcĩg nga hoolongit ũdũt nẽ occa hõllõngaa aꞌngaaꞌnyi haaga.