Maarko 10:1 - ꞌBuuk cĩ Thõõth cĩ Nyekuci

¹ Baa ikia ũtũngeek Yeesu looc cĩ Kapernaumĩ nẽ ũũk ĩĩcĩ looc cĩ ꞌJudeea nẽ ũũk abaahĩ lĩĩl cĩ hidioo cĩ ꞌJõrdanĩ. Baa aalla aluttiaak lothippiti cobbi gẽrrẽẽt ĩnõõnnõ tarĩ, nĩngĩtĩ allimanĩ ĩhõõggõ hĩ gõõng hõdõõkõthĩ.

Maarko 10:1 ပူးပေါင်းရင်းမြစ်များ

Maatteeo 26:55

Ma baa kõr niccia, ikia uduhaak Yeesu lothippit ĩĩnnĩk, “Inni iita aggamtaangu nyetubooꞌnyanĩ hĩ hĩbahĩꞌnyannĩ hĩ eet ꞌcĩ hĩĩnĩ ꞌloorriahit ko? Hallimannuung naa ngagiit hõdõõkõthĩ hĩ gõõng haaĩ loota halaangatõõ cĩ ꞌCieeth cĩ Nyekuci nẽ gõõng hõllõngaa aggammaangu inni?

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maarko 1:21

Baa õõ Yeesu hĩ nuyyiook cĩgĩnnĩg ꞌtaaũnaa ꞌcĩ haĩ Kapernaum. Ma baa Kõrraa cĩ ꞌYiommaanõ, ũũk uduhun nẽẽ ꞌCieeth cĩ Laiitto nẽ iꞌthianaaĩ ꞌlimman.

Maarko 10:2

Ma nĩngaata, iita ummuddieek Variꞌtheei ũgẽẽgĩ ĩnõõnnõ nẽ ĩttĩmanit ngaatĩ ajini annẽẽkĩ, “Ẽlẽmĩ nyattalĩ ngaatĩ occa õõgĩ ẽẽtĩ ngaa cĩnnĩ?”

Maarko 12:35

Ma baa nga alliman Yeesu eet halangatõõ cĩ ꞌCieeth cĩ Nyekuci, ikia ijino nẽẽ ĩĩ, “Inni gõõng hĩĩtõ ꞌlimmanniooha cĩg nyattal cĩ Mũũꞌtha, ‘Ĩĩn Krĩstõ Ngeertĩ Daavide ho?’

Maarko 14:49

Ma gõõng harũmĩ naag hĩ ngagiit hõdõõkõthĩ, hatĩ hallimani eet ꞌCieethaa cĩ Nyekuci waathinniook vẽlẽk nẽ gõõng hõllõngaa aggammaangu inni? Nẽẽthĩ ꞌyioko, ikia ũttũbanoothĩk thõõth baa eheeddi ꞌBuuhaa cĩ Nyekuci ĩĩ dĩdĩ.”

Maarko 2:13

Ma baa ikia õbõdõõthĩ Yeesu ũũk ĩĩcĩ dẽmẽt cĩ Bũlũc cĩ ꞌGalileea tarĩ, baa aku lothippiti cobbi gẽrrẽẽt irriamaneek ĩnõõnnõ, nĩngĩtĩ iꞌthianaanĩ nẽẽ allimanĩ ĩhõõggõ.

Maarko 4:2

Baa allimaneek nẽẽ ĩhõõggõ thooꞌthiok ꞌcĩg mẽẽlĩg ꞌcĩg awantoothĩk aĩ,

Maarko 6:2

Ma Kõr cĩ ꞌYiommaanõ, iꞌthianaaĩ nẽẽ ũũk illiman eet ꞌCieethaa cĩ Laiitto. Baa abulan thõõth ꞌcĩ alliman nẽẽ ho eet ꞌcĩg mẽẽlĩg gẽrrẽẽt, baa ĩthĩhĩt ĩnõõnnõ. Nẽ othoothito ẽmmẽn ĩĩtõ, “Ammũda baa ẽẽtĩ ciee ꞌgẽẽnyĩth icci vẽlẽk ĩĩna? ꞌGẽẽnyĩth baa ꞌcĩ aaĩ hutuno ꞌcĩ aaꞌnyĩhoothĩk ĩnõõnnõ ho? Nẽ adtican nẽẽ thooꞌthiok ꞌcĩg ĩnaat eeta ho hutuno?

Maarko 6:34

Ma baa uduhuna Yeesu haahũla battaala, acĩn hinnia lothippit cobbi gẽrrẽẽt nẽ atamaatĩk ĩhõõggõ, hĩnĩngĩtĩ baa aattĩg nẽẽg hĩ aꞌtha ꞌcĩg aitiõõ tũhayyioohiti tõõ. Nĩngĩtĩ iꞌthianaanĩ nẽẽ allimanĩ ĩhõõggõ thooꞌthiok ꞌcĩg mẽẽlĩg.

Maarko 6:6

Nẽ baa aꞌngalĩlĩ nẽẽ gẽrrẽẽt, hĩnĩngĩtĩ thõõth ꞌcĩ hõllõngaa aꞌnyahĩ eeta lemiinit. Nĩngĩtĩ õvvõõĩ Yeesu olooyyiohĩ vẽlẽk allimanĩ eeta.

Yõaannẽ 10:40

Ma ho, abaahĩ Yeesu hidioo cĩ ꞌJõrdanĩ baakĩta, ngaatĩ baa aggamẽẽkĩ Yõaannẽ eet baattithimo baa waathinnioohĩĩ ꞌcĩg oou.

Yõaannẽ 11:7

Nĩngĩtĩ annẽẽkĩ Yeesu nuyyiook cĩgĩnnĩg, “Hoboddiooth nõõ hõõt ĩĩcĩ looc cĩ ꞌJudeea.”

Yõaannẽ 18:20

Nẽẽthĩ, baa ẽdẽcĩ Yeesu ĩnõõnnõ anneek, “Baa haduhaahi naa eet thõõth cũrũmũũm muumtinii cĩggĩĩng vẽlẽk. Nẽ hillimana ĩhõõggõ hõdõõkõthĩ ꞌCieethinii cĩg Laiittak hĩ ꞌCieethaa cĩ Nyekuci, nga gõõng alũtẽẽnĩ eeta cĩggaac vẽlẽk hõdẽĩ. Nẽ nga huduha thõõth umwa ĩĩcĩ burki.