Maarko 1:8 - ꞌBuuk cĩ Thõõth cĩ Nyekuci

⁸ Haggameekuung naa ngagiit baattithimo maamĩ haaga, nẽẽthĩ, aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ.”

Maarko 1:8 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maarko 1:7

Baa irrioonĩk nẽẽ eet anneek, “Aaĩ hatĩ ẽẽtĩ umwaa ꞌcĩ anũaanna nganĩĩt ꞌcĩ ĩllõõannaa nganĩĩta, hõllõngaa haga naa ngaatĩ occa hõõganĩ lõhamũcĩ cĩg caawa cĩgĩnnĩg.

Maarko 1:9

Ma waathinniook nicciag noho, ĩtĩngaayyia Yeesu ꞌtaaũnaa cĩ Naaꞌtharẽtĩ looccaa cĩ ꞌGalileea, hikia haggameek Yõaannẽ ĩnõõnnõ baattithimo lĩĩlaa cĩ hidioo cĩ ꞌJõrdanĩ.

ꞌLuuka 3:16

Nĩngĩtĩ ẽdẽcĩ Yõaannẽ ĩhõõggõ vẽlẽk annẽẽkĩ, “Habattithannuung naa ngagiit maamĩ haaga, nẽẽthĩ, aaĩ hatĩ eet umwaa cobbi ꞌcĩ aku hĩdĩĩkoothong ꞌcĩ ĩllõõannaa nganĩĩta, eet ꞌcĩ hõllõngaa hũũlũ naa ngaatĩ hõõganĩ lõhamũcĩ cĩg caawa cĩgĩnnĩg. Aku hatĩ aggameekuung nẽẽ baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Yõaannẽ 1:26

Ẽdẽcĩ Yõaannẽ ĩhõõggõ anneek, “Haggameehi naa eet baattithimo maamĩ haaga, nẽẽthĩ, aaĩ eet umwaa hõrggẽẽnaa cunuung, ꞌcĩ hõllõngaa agayyu niiga.

Yõaannẽ 1:33

Occa baa nga haga naa ĩnõõnnõ, hiittiõõ ngaatĩ aduhaaka ẽẽtĩ baa ĩꞌthõõannaa nganĩĩt hikia haggameek eet baattithimo maamĩ anneeka, ‘Ẽẽtĩ ꞌcĩ acini alluucciak Lorii ꞌcĩ Ẽllẽẽmĩth nẽ ikia ĩbĩl ẽllaa cĩnnĩ ho, ĩnõõnnõ ꞌcĩ hatĩ aggameek eet baattithimo Loriiaa ꞌcĩ Ẽllẽẽmĩth ko.’

Dtiicanĩ cĩg ꞌThooyyiahu 1:5

Hĩnĩngĩtĩ baa aggameekuung ngagiit Yõaannẽ baattithimo maamĩ haaga. Nẽẽthĩ, waathinnioohĩĩ ꞌcĩg idionganniaa abadtẽc ko, aggammu hatĩ niig baattithimo Loriiaa ꞌcĩ Ẽllẽẽmĩthĩ.”

Dtiicanĩ cĩg ꞌThooyyiahu 10:45

Lemmiooha ꞌcĩg etteeddi eleeti ꞌcĩg eet ꞌcĩg maacĩg, ꞌcĩg baag õõkõra hĩ Pẽẽtũrũ, iita ukullieek ꞌjieen ngaatĩ akuuni ꞌbaaniniti cĩ Lori ꞌcĩ Ẽllẽẽmĩth hĩ eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 2:17

“ ‘Kõr ꞌcĩ decciaanĩt cĩ lootu aĩ Nyekuci, haaꞌnyihi hatĩ naa Lori caannĩ eet vẽlẽk. Irrioon hatĩ lohollia cugguung vẽlẽk thõõth caannĩ. Nẽ acĩn hatĩ nyahaappanĩta cugguung hẽlẽggĩ ꞌcĩg occa hõllõngaa agayyu niiga nẽ aꞌnyak hatĩ eeta cugguung ꞌcĩg atahaanyito honooꞌthiak ꞌcĩg mẽẽlĩg.

Dtiicanĩ cĩg ꞌThooyyiahu 2:4

Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.