Maarko 1:7 - ꞌBuuk cĩ Thõõth cĩ Nyekuci

⁷ Baa irrioonĩk nẽẽ eet anneek, “Aaĩ hatĩ ẽẽtĩ umwaa ꞌcĩ anũaanna nganĩĩt ꞌcĩ ĩllõõannaa nganĩĩta, hõllõngaa haga naa ngaatĩ occa hõõganĩ lõhamũcĩ cĩg caawa cĩgĩnnĩg.

Maarko 1:7 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maatteeo 3:14

Aku nõõ hinnia abũrĩ Yõaannẽ ngaatĩ aggamẽẽkĩ ĩnõõnnõ baattithimo nẽ ĩĩnnĩk, “Nganiit ꞌcĩ occa aggameekaa nganĩĩt baattithimo, akuu hinnia nii hĩ nganĩĩta?”

Maarko 1:6

Nẽ baa ahimit Yõaannẽ ceremwa ꞌcĩg adĩmanniaa ĩmanĩĩ cĩg nyaakaalak nẽ ẽcẽb hadẽẽngõ, nẽ adak ꞌgirooc nẽ uduk loteec cĩ hurubulitu hĩĩ ꞌgẽẽn cĩnnĩ.

Maarko 1:8

Haggameekuung naa ngagiit baattithimo maamĩ haaga, nẽẽthĩ, aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ.”

ꞌLuuka 3:16

Nĩngĩtĩ ẽdẽcĩ Yõaannẽ ĩhõõggõ vẽlẽk annẽẽkĩ, “Habattithannuung naa ngagiit maamĩ haaga, nẽẽthĩ, aaĩ hatĩ eet umwaa cobbi ꞌcĩ aku hĩdĩĩkoothong ꞌcĩ ĩllõõannaa nganĩĩta, eet ꞌcĩ hõllõngaa hũũlũ naa ngaatĩ hõõganĩ lõhamũcĩ cĩg caawa cĩgĩnnĩg. Aku hatĩ aggameekuung nẽẽ baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Yõaannẽ 1:27

Tananga baa huwwatta naa ĩĩcĩ oou, hõllõngaa occa hũũlũ ngaatĩ hõõgĩ lõhamũcĩ cĩg caawa cĩgĩnnĩg.”

Dtiicanĩ cĩg ꞌThooyyiahu 13:25

Ma baa ẽdẽcaak Yõaannẽ dtiic cĩnnĩ ĩĩ, ‘Ammuku niig ainnu nganĩĩt nganĩ? Ammuku niig ainnu hĩĩnĩ naa eet ꞌcĩ ereeyyu niig ko? Aku hatĩ ẽẽtĩ tĩho uruta nẽ hõllõngaa hũũlũ naa ngaatĩ hõõgĩ lõhamũcĩ cĩg caawa cĩgĩnnĩg.’

Dtiicanĩ cĩg ꞌThooyyiahu 19:4

Nĩngĩtĩ annẽẽkĩ Paaulo nuyyiook tĩko, “Baa ĩĩn baattithimo cĩ Yõaannẽ, baattithimo ꞌcĩ ũũnnõthõõthĩkĩ ꞌthẽccanẽẽta. Baa aduhaak Yõaannẽ eet helemit eet ꞌcĩ nga aku urutaa cĩnnĩ. Nẽ baa õthõõth nẽẽ thõõth cĩ Yeesu.”