Maarko 1:5 - ꞌBuuk cĩ Thõõth cĩ Nyekuci

⁵ Baa õõ eeta vẽlẽk cĩg looc cĩ ꞌJudeea hĩ cĩg ꞌJeruꞌthalẽmĩ hĩ Yõaannẽ, hõõt huduktaak ĩnõõnnõ ꞌthẽccanẽẽt cĩggĩĩng nẽ aggameek ĩhõõggõ baattithimo lĩĩlaa cĩ Hidioo cĩ ꞌJõrdanĩ.

Maarko 1:5 ပူးပေါင်းရင်းမြစ်များ

Maatteeo 4:25

Baa anũ ĩnõõnnõ lothippiꞌnya ꞌcĩg mẽẽlĩg gẽrrẽẽt. Baa au ũgẽẽgĩ looccaa cĩ ꞌGalileea nẽ iita ũgẽẽgĩ ĩĩcĩ ꞌJeruꞌthalẽmĩ hĩ ũbũtẽẽt cĩg ꞌJudeea. Nẽ baa au ũgẽẽgĩ buúk ꞌtaaũnnioohĩĩ ꞌcĩg ĩĩn õmmõtõ, ĩcĩg agayyi haĩ Dekapoli nẽ abaakta ũgẽẽgĩ dhoortaa cĩ hidioo cĩ ꞌJõrdanĩ.

Maarko 1:4

Nĩngĩtĩ uppwaannanĩ Yõaannẽ Batitta horrwatõõ ꞌcĩ õdõhõhĩĩ kak nẽ ikia aggameek eet ꞌcĩg ũtũngteek ꞌthẽccanẽẽt cĩggĩĩng baattithimo, ĩnõõ ꞌcĩ hatĩ ũũnnĩkĩ Nyekuci ꞌthẽccanẽẽt cĩggĩĩng buúk.

Maarko 1:6

Nẽ baa ahimit Yõaannẽ ceremwa ꞌcĩg adĩmanniaa ĩmanĩĩ cĩg nyaakaalak nẽ ẽcẽb hadẽẽngõ, nẽ adak ꞌgirooc nẽ uduk loteec cĩ hurubulitu hĩĩ ꞌgẽẽn cĩnnĩ.

Yõaannẽ 1:28

Baa aduha Yõaannẽ thõõth icci, baa aggameek nẽẽ eet baattithimo ĩĩcĩ uruto cĩ hidioo cĩ ꞌJõrdanĩ, looccaa cĩ Bẽthani.

Yõaannẽ 3:23

Nẽ baa aggameek Yõaannẽ buúk eet baattithimo looccaa cĩ Aẽnõnĩ, ngaatĩ õbõhõõ hĩ ꞌThaalim, hĩnĩngĩtĩ baa mẽẽlĩg maama nẽ baa ariha eeta ꞌcĩg mẽẽlĩg gẽrrẽẽt, hiita haggamit baattithimo.

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Dtiicanĩ cĩg ꞌThooyyiahu 19:18

Nĩngĩtĩ auuni eeta ꞌcĩg baag ĩĩtõ lemmiook, aduhaakĩ eet vẽlẽk ꞌthẽccanẽẽt ꞌcĩg baag adĩman nẽẽgĩ.

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.