Maarko 1:45 - ꞌBuuk cĩ Thõõth cĩ Nyekuci

⁴⁵ Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 1:45 ပူးပေါင်းရင်းမြစ်များ

Maatteeo 28:15

Nĩngĩtĩ aggamaanĩ athegereeꞌnya ꞌrabbẽẽt niccig nẽ ĩdĩmanit hĩ baa adukiaak ĩhõõggõ. Nẽ nga aalla athithan eeta cĩg ꞌJudeei nyeemuut ꞌcĩ aĩ, “Iita igorithit nuyyiooha cĩg Yeesu ẽlẽ cĩ Yeesu,” hĩĩ kõr hĩ niccieeni.

Maatteeo 9:26

Nĩngĩtĩ aku ĩꞌthanõthõõthĩkĩ nyeemuut ciee looc tĩho vẽlẽk.

Maatteeo 9:31

Baa hinnia õõ ĩꞌthaanĩk nẽẽg nyeemuut icci looc tĩho hũtũrũũr.

Maarko 2:13

Ma baa ikia õbõdõõthĩ Yeesu ũũk ĩĩcĩ dẽmẽt cĩ Bũlũc cĩ ꞌGalileea tarĩ, baa aku lothippiti cobbi gẽrrẽẽt irriamaneek ĩnõõnnõ, nĩngĩtĩ iꞌthianaanĩ nẽẽ allimanĩ ĩhõõggõ.

Maarko 3:20

Ma baa ũũk uduhun Yeesu ꞌcieeth, ikia uluttia lothippiti cobbi gẽrrẽẽt, hanyaman ĩnõõnnõ hĩ nuyyiook cĩgĩnnĩg ꞌgõõl ꞌcĩ aduhẽẽnĩ.

Maarko 3:7

Ma baa õõt Yeesu hĩ nuyyiook cĩgĩnnĩg ĩĩcĩ bũlũcõ, ikia ũnũ lothippiti ꞌcĩ maka ꞌcĩ aku ꞌGalileea ĩnõõnnõ.

Maarko 7:36

Ma nĩngaata, uduhaak Yeesu eet niccig ĩĩnnĩk, “Ma hooyyu haduhaaku eet umwa thõõth icci ũdũt. Ma baa uduhaak nẽẽ ĩhõõggõ thõõth icci ẽlẽk, aalla hinnia õõ athithan nẽẽg thõõth icci gẽrrẽẽt hĩllõõan.”

Yõaannẽ 6:2

Baa anũ ĩnõõnnõ lothippiti cobbi gẽrrẽẽt ꞌgõõlaa ꞌcĩ õkõõĩ nẽẽnĩ, hĩnĩngĩtĩ ĩcĩn lothippiti thooꞌthiok ꞌcĩg ĩnaat eeta ꞌcĩg aaꞌnyĩkĩ Yeesu eet ꞌcĩg õmmõõrĩ hũbũttaathõ.

Tiito 1:10

Hĩnĩngĩtĩ nga mẽẽlĩg eeta ꞌcĩg abũrĩ thõõth cĩ Nyekuci, ĩggõõl ꞌgõõnõgĩ ꞌgõõlaa ꞌcĩ õthõõthĩ thooꞌthiok ꞌcĩg ĩĩn õlõng, ettebehini eet baag ẽlẽmĩ nyattal cĩ Mũũꞌtha ꞌgõõlaa ꞌcĩ ẽttẽẽdĩ eleeti cĩggĩĩng.