Maarko 1:4 - ꞌBuuk cĩ Thõõth cĩ Nyekuci

⁴ Nĩngĩtĩ uppwaannanĩ Yõaannẽ Batitta horrwatõõ ꞌcĩ õdõhõhĩĩ kak nẽ ikia aggameek eet ꞌcĩg ũtũngteek ꞌthẽccanẽẽt cĩggĩĩng baattithimo, ĩnõõ ꞌcĩ hatĩ ũũnnĩkĩ Nyekuci ꞌthẽccanẽẽt cĩggĩĩng buúk.

Maarko 1:4 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maatteeo 3:6

nẽ uduktaak ĩnõõnnõ ꞌthẽccanẽẽt cĩggĩĩng, nĩngĩtĩ aggamẽẽkĩ nẽẽ ĩhõõggõ baattithimo hidiowwaa cĩ ꞌJõrdanĩ.

Maarko 1:5

Baa õõ eeta vẽlẽk cĩg looc cĩ ꞌJudeea hĩ cĩg ꞌJeruꞌthalẽmĩ hĩ Yõaannẽ, hõõt huduktaak ĩnõõnnõ ꞌthẽccanẽẽt cĩggĩĩng nẽ aggameek ĩhõõggõ baattithimo lĩĩlaa cĩ Hidioo cĩ ꞌJõrdanĩ.

ꞌLuuka 1:77

Nganiit hatĩ ꞌcĩ allimaneehi eet ꞌgõõl ꞌcĩ hatĩ aku ẽẽlanĩ Makayyioohiti ĩhõõggõ ꞌthẽccanẽẽtĩĩ cĩggĩĩng,

Yõaannẽ 3:23

Nẽ baa aggameek Yõaannẽ buúk eet baattithimo looccaa cĩ Aẽnõnĩ, ngaatĩ õbõhõõ hĩ ꞌThaalim, hĩnĩngĩtĩ baa mẽẽlĩg maama nẽ baa ariha eeta ꞌcĩg mẽẽlĩg gẽrrẽẽt, hiita haggamit baattithimo.

Dtiicanĩ cĩg ꞌThooyyiahu 10:37

Agayyu niig thooꞌthiok baag aluba looccaa cĩ ꞌJudeea hũtũrũũr, baa iꞌthianaanĩ ꞌGalileea urutaa ꞌcĩ baattithimo baa irrioon Yõaannẽ,

Dtiicanĩ cĩg ꞌThooyyiahu 22:16

Nẽẽthĩ, ne ꞌyioko ꞌcĩ nga ẽrẽ nii ho? Tĩnga ꞌgaam baattithimo nẽ utuunyu ꞌthẽccanẽẽt cugunnig nẽ alau Makayyioohit.’