Maarko 1:35 - ꞌBuuk cĩ Thõõth cĩ Nyekuci

³⁵ Ma baa ngaalloohoth ngerrenita, ĩtĩnga Yeesu ũtũngeek õlõ nẽ ũũk aau ẽmmẽn ngadiiha nẽ alaõ nĩngaata.

Maarko 1:35 ပူးပေါင်းရင်းမြစ်များ

Maatteeo 14:13

Ma baa urutaa ꞌcĩ ĩthĩhĩ Yeesu daahĩth cĩ Yõaannẽ, ikia abaahĩ nẽẽ bũlũc cĩ ꞌGalileea ũũk ngaamwaanĩ ngaatĩ õkõ aayyi ẽmmẽn. Ma baa athĩhĩ eeta thõõth icci ho, iita ũnnẽẽcõ ĩnõõnnõ lothippiꞌnya ꞌcĩg au ꞌtaaũnnioohĩ ꞌthõõnĩ.

Maatteeo 14:23

Ma baa urutaa ꞌcĩ ĩꞌthaanĩ nẽẽ lothippit, ikia õtõd muur ĩĩcĩ õkõ aayyi ẽmmẽn nẽ ũũk alaõ. Baa aaĩ nẽẽ ĩĩca ẽmmẽn ĩꞌthõng hĩĩ ꞌjiaatĩn lõõcĩ,

Maarko 1:36

Ma ho, ĩtĩngaacõ ꞌThimõõnẽ hĩ ꞌgõõnõgĩ õõt idiimtõthĩ ĩnõõnnõ.

ꞌLuuka 5:16

Nẽẽthĩ, baa gõõng õkõ Yeesu ꞌgoolliohĩĩ ũgẽẽgĩ ĩĩcĩg aayyi ẽmmẽn nẽ alaõ.

ꞌLuuka 6:12

Ma kõr umwa waathinnioohĩ nĩĩcag noho, ũũk õtõd Yeesu muur nẽ ũũk ala Nyekuc nĩĩca haal.

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 6:15

Ma baa õrõõta Yeesu ngaatĩ adiim aggamĩ eeta ĩnõõnnõ nẽ idiimito ĩttĩngatteek haarrik hĩĩ habu cĩnĩĩng ko, ikia ũũk nẽẽ muura hujjieen ngaatĩ baa adiim õkõ aayyi ẽmmẽn.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 2:5

Aanytĩk muhẽẽnĩt cunuung hudukto hĩcĩ Yeesu Krĩstõ thõng.

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.