Maarko 1:32 - ꞌBuuk cĩ Thõõth cĩ Nyekuci

³² Ma ꞌjiaatĩn niccia baa okoloothĩk kõrra, iita aꞌnyaktaak eeta Yeesu eet ꞌcĩg õmmõõrĩ vẽlẽk hĩ ꞌcĩg aꞌnyak loriẽẽt ꞌcĩg abathĩ.

Maarko 1:32 ပူးပေါင်းရင်းမြစ်များ

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Maatteeo 8:16

Ma ꞌjiaatĩn niccia, aꞌnyaktaak eeta Yeesu eet ꞌcĩg aꞌnyak loriẽẽt ꞌcĩg abathĩ. Baa iiggia nẽẽ loriẽẽt ꞌcĩg abathĩ ꞌtirriaanaa cĩ thõõth ꞌcĩ aduha nẽẽnĩ nẽ aaꞌnyĩk eet ꞌcĩg baag õmmõõrĩ vẽlẽk hũbũttaathõ.

Maatteeo 8:17

Baa adticanni thõõth ciee hẽdẽcaak thõõth baa aduha põrõvẽtaacĩ Iꞌthaia aĩ, “Iiggia nẽẽ mooriꞌthiook cĩggaang vẽlẽk nẽ aaꞌnyeet ngagĩĩt hũbũttayyia.”

Maarko 1:21

Baa õõ Yeesu hĩ nuyyiook cĩgĩnnĩg ꞌtaaũnaa ꞌcĩ haĩ Kapernaum. Ma baa Kõrraa cĩ ꞌYiommaanõ, ũũk uduhun nẽẽ ꞌCieeth cĩ Laiitto nẽ iꞌthianaaĩ ꞌlimman.

Maarko 1:31

Nĩngĩtĩ õkõõĩ nẽẽ hõbõktõ hĩ nangẽrẽb nẽ aggam ĩnõõnnõ aꞌthiit cĩnnĩ nẽ õdõng haau ꞌjieena. Ma hĩdĩĩkoothong, ikia ũtũngeek ĩnõõnnõ abuurꞌtheta, nĩngĩtĩ adticanõõthĩkĩ nẽẽ ĩhõõggõ.

Maarko 3:2

Baa adiim Variꞌtheei ũgẽẽgĩ ammũda ꞌgõõl ꞌcĩ õhõppõõcanẽẽkĩ Yeesu thõõth ꞌcĩ abathĩ nẽ ebehit ĩnõõnnõ gẽrrẽẽt, hátĩ hĩcĩnĩt má aaꞌnyĩk nẽẽ eet nicci õmmõõrĩ ho hũbũna Kõrraa cĩ ꞌYiommaanõ ho dĩdĩ.

ꞌLuuka 4:40

Ma baa okoloothĩk kõrra, aꞌnyaktaak eeta Yeesu eet ꞌcĩg aꞌnyak mooriꞌthiook cũũmõ cũũmõ nẽ ataadĩk nẽẽ athĩn cĩgĩnnĩg ootinii cĩggĩĩng hõdẽĩ hõdẽĩ, nĩngĩtĩ abũnnayyĩ nẽẽg vẽlẽk.

ꞌLuuka 4:41

Baa mẽẽlĩg eeta ꞌcĩg aꞌnyak loriẽẽt ꞌcĩg abathĩ, nĩngĩtĩ aduhaakĩ Yeesu ĩhõõggõ huduhutta eleetinii cĩg eetuk battaala nẽ urruuyyiõthĩ ĩĩtõ, “Ĩĩnĩ nii Ngeertĩ Nyekuci!” Nẽẽthĩ, hĩnĩngĩtĩ baa aga nẽẽg ngaatĩ ĩĩnnĩ Yeesu Krĩstõ, ikia eggerenyeek nẽẽ ĩhõõggõ hiittiõõ hõllõngaa õthõõthĩ.