Maarko 1:27 - ꞌBuuk cĩ Thõõth cĩ Nyekuci

²⁷ Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

Maarko 1:27 ပူးပေါင်းရင်းမြစ်များ

Maatteeo 15:31

Ma nĩngaata, iita atalit eeta hõdẽĩ hõdẽĩ, hĩnĩngĩtĩ ꞌgii ꞌcĩ adtuuha hĩ ꞌcĩ athĩhĩ nẽẽgĩ. Iita othoothito eeta baag hõllõngaa õthõõthĩ. Iita õtõõcõ ꞌngoolliaha nẽ ĩcĩttĩ eeta baag rubettẽẽgĩ nẽ ĩdĩhĩthĩt eeta Nyekuc cĩ Ĩꞌthĩraẽlĩ.

Maatteeo 8:9

Hĩĩnĩ naa buúk ꞌgaalac ꞌcĩ haꞌnyahi makayyiook cĩgannĩg nẽ hĩĩnĩ eet ꞌcĩ haggami ũũrũta. Má hanneehi ũũrũtaac umwa, ‘Bĩtõ,’ õkõ ꞌthẽk hĩcĩ haduhaahi naana nẽ má hanneehi umwa, ‘Ijjia,’ aku ꞌthẽk hĩcĩ hanneehi naa ho. Má hanneehi dticciannioohit caannĩ, ‘Dĩman ꞌgiimwa,’ adtican ꞌthẽk ꞌgõõlaa tĩho.”

Maatteeo 9:33

Ma urutaa cĩ itiggiaĩ Yeesu lori ꞌcĩ abathĩ, ikia õthõõth ẽẽtĩ lõꞌngõõc. Baa akuleek lothippiti ꞌjieen nĩngĩtĩ õthõõthĩ eeta aĩnnĩ, “Gõõng nga hedeeꞌnyia thõõth ꞌcĩ aaĩ hoti Ĩꞌthĩraẽla hũtũrũũr!”

Maarko 1:26

Ma ho, ikia õtõmõõĩ lorii ꞌcĩ abathĩ ho eet nicci gẽrrẽẽt nẽ ẽggẽrẽny moloohaa cobbi, nĩngĩtĩ aduknaanĩ ẽllaa cĩ eet nicci.

Maarko 1:28

Ma hĩdĩĩkoothong, ikia ĩꞌthanothoothĩk nyeemuut cĩ Yeesu ho looc cĩ ꞌGalileea vẽlẽk.

Maarko 10:24

Ma nĩngaata, iita aꞌngalilli nuyyiooha, hĩnĩngĩtĩ thõõth cĩnnĩ ho gẽrrẽẽt. Ma ho, õthõõth Yeesu tarĩ ĩĩ, “Lõhõlẽẽtĩg, õkõmĩ gẽrrẽẽt ngaatĩ adukni ẽẽtĩ habuccieet cĩ Nyekuci!

Maarko 10:32

Baa uwwattĩ Yeesu ẽdẽcĩ ꞌgõõl hĩ nuyyiook cĩgĩnnĩg õõ ĩĩcĩ ꞌJeruꞌthalẽmĩ. Nẽ baa abulan nuyyiook thõõth ꞌcĩ õkõõĩ Yeesu ꞌJeruꞌthalẽma ho gẽrrẽẽt, nĩngĩtĩ abarti eeta ꞌcĩg anũa ĩhõõggõ uruta buúk. Ma nĩngaata tarĩ, ũũhĩ nẽẽ nuyyiook ꞌcĩg ĩĩn õmmõtõ hĩ ꞌramma ho ngadiiha nẽ ũũk uduhaak thooꞌthiok ꞌcĩg hatĩ õõ edeeꞌnyiak ĩnõõnnõ ꞌJeruꞌthalẽma.

Maarko 16:5

Ma baa õõ aduhun nẽẽg ꞌloohatõõ ho, acĩn hinnia nyahaappan umwa ꞌcĩ ahimit ceremwa ꞌcĩg õõppẽr, iccioloongan loota ꞌloohatõõ cĩ aꞌthiit cobbi. Baa abulan thõõth ciee ĩhõõggõ gẽrrẽẽt.

Maarko 16:6

Ma nĩngaata ikia uduhaak nyahaappanĩ tĩhõ ĩhõõggõ ĩĩnnĩk, “Ma hiꞌngolinnu. Haga naa adiimmu niig Yeesu cĩ Naaꞌtharẽtĩ baa odooddothoothĩk hurucceea, iittiõõ nẽẽ ngaati tõõ, baa ũrũga nẽẽnĩ. Ĩcĩnĩt da nĩngĩ baa ammũtĩ eeta ẽlẽ cĩ Yeesu.

Maarko 7:37

Baa ĩnaat eeta vẽlẽk baag athĩhĩ ĩnõõnnõ gẽrrẽẽt nẽ othoothito ĩĩtõ, “Adĩman Yeesu hẽlẽggĩ vẽlẽk jurrung! Aaꞌnyĩk aattĩ eet ꞌcĩg adĩĩtĩ ĩĩna hĩthĩktõ nẽ aaꞌnyĩk eet ꞌcĩg idiaddiabanni hothoothito jurrung.”

ꞌLuuka 4:36

Baa anyamũũtana thõõth ciee eet vẽlẽk, nĩngĩtĩ ajinõõnĩ nyaagwaana aĩnnĩ, “ꞌLimman occa gõõng ꞌcĩ aaĩ hutuno ciee, ꞌcĩ aduhaakĩ ẽẽtĩ ciee loriẽẽt ꞌtirriaana hĩ makaaꞌthĩta, nẽ uduhutta loriẽẽta eetini battaala ho?”

ꞌLuuka 9:1

Ma baa ũtũvva Yeesu ꞌthooyyiak ꞌcĩg ĩĩn õmmõtõ hĩ ꞌramma ho hiita ngaatĩ hõdẽẽthõng, ikia aaꞌnyĩk ĩhõõggõ ꞌtirrian hĩ makaaꞌthĩt ꞌcĩ iiggiaĩ loriẽẽt ꞌcĩg abathĩ vẽlẽk heelliaĩĩ eet mooriꞌthioohĩ,

Dtiicanĩ cĩg ꞌThooyyiahu 17:19

Nĩngĩtĩ õõyyĩ nẽẽg Paaulo hĩ makayyiook cĩg lokiho ꞌcĩ haĩ Areopagu nẽ ĩĩtõ, “Duhaaheet da, aĩ ꞌlimmanĩ cunni ꞌcĩ ĩĩn ngeju ho ne?