Maarko 1:19 - ꞌBuuk cĩ Thõõth cĩ Nyekuci

¹⁹ Ma baa ũũk Yeesu ĩĩcĩ oou hĩdĩhĩdĩĩc, udtuuha nẽẽ ꞌJeemith hĩ Yõaannẽ lõhõlĩ cĩg ꞌThebedeeo, ꞌcĩg baag aattĩg haahũlaa cĩnĩĩng alũũlũ nyelelewwaꞌnya cĩggĩĩng.

Maarko 1:19 ပူးပေါင်းရင်းမြစ်များ

Maatteeo 4:21

Ma baa nga õvvõ Yeesu nĩngaata, ikia ĩcĩn ꞌgõtõn ꞌramma tarĩ, ꞌJeemith hĩ Yõaannẽ ꞌcĩg baag akũmaneek nyelelewwaꞌnya cĩggĩĩng haahũlatõõ, hĩ maaꞌnyĩ cĩnĩĩng ꞌThebedeeo. Nĩngĩtĩ avvaanĩ Yeesu ĩhõõggõ buúk.

Maarko 1:18

Ma nĩngaata noho, iita ũtũngteek nẽẽg nyelelewwaꞌnya cĩggĩĩng nẽ ũnnẽẽcõ ĩnõõnnõ.

Maarko 1:20

Ma hĩdĩĩkoothong, ũtũvvũ nẽẽ ĩhõõggõ, nĩngĩtĩ ũũnnĩkĩ nẽẽg maaꞌnyĩ ꞌThebedeeo hĩ dticcianniook haahũla nĩngaata nẽ ũnnẽẽcõ ĩnõõnnõ.

Maarko 10:35

Baa au lohollia cĩg ꞌThebedeeo ꞌJeemithi hĩ Yõaannẽ ammũdaak Yeesu nẽ ijinit ĩnõõnnõ ĩĩttĩk, “ꞌLimmannioohit, hadiimmi naag nganiit dticcaneeheet ꞌgiimwa ꞌcĩ hajinni nganiita.”

Maarko 14:33

Baa õõkõr Yeesu hĩ Pẽẽtũrũ hĩ ꞌJeemith hĩ Yõaannẽ. Ma ho, ulubaak ĩnõõnnõ tẽẽlꞌthĩtĩ hĩ mothiinit ꞌcĩ maka gẽrrẽẽt.

Maarko 3:17

ꞌJeemith hĩ ꞌgõtõnĩ Yõaannẽ, lõhõlĩ cĩg ꞌThebedeeo ꞌcĩg akanneek Yeesu ĩhõõggõ ꞌthaar ꞌcĩg haĩ Boanergeth, nĩngĩtĩ aĩ, “Lõhõlĩ cĩg Boroheecak.”

Maarko 5:37

Baa hõllõngaa ẽlẽmĩ Yeesu eet umwa hũnũ ĩnõõnnõ, baa ẽlẽmaakĩ nẽẽ Pẽẽtũrũ hĩ ꞌJeemith hĩ Yõaannẽ ꞌgõtõnĩ ꞌJeemithi diooni hũnnẽẽcõ ĩnõõnnõ.

Maarko 9:2

Ma baa urutaa cĩ waathinniook tõrkõnõn, ikia ũũhĩ Yeesu Pẽẽtũrũ hĩ ꞌJeemith hĩ Yõaannẽ, õõkõr õõ muuraa ꞌcĩ uuni ĩĩcĩ õõ aattiyyi ẽmmẽn aitiõõ eeta tõõ. Ma nĩngaata, ũtũhũĩ Yeesu hẽbẽrẽẽnnĩĩ cĩggĩĩng,

Yõaannẽ 21:2

Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 12:2

Baa aduhaak nẽẽ athegereeꞌnya hetteeddia õõ cĩ ꞌJeemithi ꞌgõtõnĩ Yõaannẽ.