Maarko 1:14 - ꞌBuuk cĩ Thõõth cĩ Nyekuci

¹⁴ Ma baa urutaa ꞌcĩ aarĩhõõthĩhĩ Yõaannẽ baabuuth ẽlẽk, ikia ũũk Yeesu ꞌGalileea nẽ ũũk illiman nyeemuut ꞌcĩ abũnnaa cĩ Nyekuci.

Maarko 1:14 ပူးပေါင်းရင်းမြစ်များ

Maatteeo 11:2

Ma baa athĩhĩ Yõaannẽ dtiic ꞌcĩ adĩman Krĩstõ, baa nga aaĩ nẽẽ baabuuthatõõ ho, ikia ĩꞌthõ nuyyiook cĩgĩnnĩg,

Maatteeo 14:2

Nĩngĩtĩ aduhaakĩ dticcianniook cĩgĩnnĩg annẽẽkĩ, “Ĩĩn ciee Yõaannẽ Batitta, ũrũga nẽẽ daahĩtha! Ĩnõõ ꞌcĩ aꞌnyahĩ ꞌtirrian ꞌcĩ adticanĩ thooꞌthiok ꞌcĩg ĩnaat eeta ho.”

Maatteeo 4:12

Ma baa ĩthĩk Yeesu ngaatĩ aarĩhõõthĩhĩ Yõaannẽ Batitta baabuuth, ikia ũũk nẽẽ ĩĩcĩ ꞌGalileea.

Maatteeo 4:17

Ngaanĩngĩtĩ kõr niccia, iꞌthianaaĩ Yeesu ngaatĩ irrioonĩkĩ eet annẽẽkĩ, “Ũtũngteek ꞌthẽccanẽẽt cugguung, hĩnĩngĩtĩ aau habuccieet cĩ hẽẽtkujjieen ojoonu.”

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 9:35

Baa õkõ Yeesu ꞌtaaũnnioohĩ hĩ olooyyiohĩ vẽlẽk alliman eet ꞌCieethinii cĩg Laiittak, irrioon nyeemuut ꞌcĩ abũnnaa cĩ habuccieet cĩ Nyekuci nẽ aaꞌnyĩk eet ꞌcĩg õmmõõrĩ vẽlẽk hũbũttaathõ.

ꞌLuuka 3:20

ikia aarĩk Ẽrõõdẽ Yõaannẽ baabuutha. Thõõth ꞌcĩ baa abathĩ gẽrrẽẽt ꞌcĩ adĩman nẽẽ niccia.

ꞌLuuka 8:1

Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,

Dtiicanĩ cĩg ꞌThooyyiahu 20:25

“Nẽẽthĩ ꞌyioko, haga naa iittiõõ hatĩ hõrggẽẽnaa cunuung eeta baag hallimani naa habuccieet cĩ Nyekuci, hõllõngaa hatĩ acĩnna nganĩĩt tarĩ.

Dtiicanĩ cĩg ꞌThooyyiahu 28:23

Nĩngĩtĩ aarĩkĩ kõr umwa ꞌcĩ au õmmõtõõnĩ hĩ Paaulo. Ma ho, iita ꞌthẽk othohottia nẽẽg eet ꞌcĩg mẽẽlĩg ngaatĩ baa aayyi nẽẽ ho. Ma kõr niccia ngerrenita ĩꞌthõng hutub lõõcĩ, irrioonĩk Paaulo eet nẽ uduhaak ĩhõõggõ habuccieet cĩ Nyekuci. Baa attĩman gẽrrẽẽt, ngaatĩ alũllũũmanẽẽkĩ ĩhõõggõ thõõth cĩ Yeesu, nyattaalaa cĩ Mũũꞌtha hĩ thooꞌthiohĩĩ ꞌcĩg ẽhẽẽd põrõvẽtaaꞌnya.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

Eevvetho 2:17

Baa aꞌnyahaakuung nẽẽ ngagiit Nyeemuut icci Abũnnaa cĩ ganõnõõ ho, eet ꞌcĩg hõllõngaa iiginnu ꞌJudeei, baa iiginnu ꞌrẽẽttĩg hĩ ĩnõõnnõ nẽ aꞌnyahaak ganõn eet cĩg ꞌJudeei ꞌcĩg õbõhõõ hĩ ĩnõõnnõ.