ꞌLuuka 9:60 - ꞌBuuk cĩ Thõõth cĩ Nyekuci

⁶⁰ Ẽdẽcĩ Yeesu ĩnõõnnõ anneek, “Aꞌnyĩĩk daakiak hũmmũtĩt daakiak nyaagwaana. Bĩĩt nẽẽ nii ꞌlimmaneek eet nyeemuut cĩ habuccieet cĩ Nyekuci.”

ꞌLuuka 9:60 ပူးပေါင်းရင်းမြစ်များ

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 8:22

Ẽdẽcĩ Yeesu ĩnõõnnõ anneek, “Nũaa nganĩĩta, aꞌnyĩĩk daakiak hadaacõ eleeti cĩggĩĩng ẽmmẽn.”

ꞌLuuka 15:24

Baa loholeec ꞌcĩ aggamaawa lõõcĩ cieeni nẽ ꞌyioko aau hĩ ẽẽtĩ ꞌcĩ arũgna daahĩtha. Baa iꞌnginõõthĩ nẽ ꞌyioko, ummuddia.’ Nĩngĩtĩ iꞌthianaanĩ nẽẽg adahĩ karrama.

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

1 Korinthia 9:16

ꞌCĩĩnẽnĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa, hõllõngaa occa hathĩngõõnyani, hĩnĩngĩtĩ hattĩnganoothihi hirrioono. Pĩĩrnanĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa!

Eevvetho 2:1

Nẽẽthĩ, baa adaaktu niig, hĩnĩngĩtĩ ꞌthẽccanẽẽt cugguung,

Eevvetho 2:5

aaꞌnyeet ngagĩĩt hũrũgĩt hõdẽĩ hĩ Krĩstõ. Tananga baa hadaahito naag hĩnĩngĩtĩ ꞌthẽccanẽẽta, iita eelliau niig bũnnaiittaa cĩnnĩ.

1 Timotteeo 5:6

Nẽ ngaatĩbõyyĩ ꞌcĩ aaĩ authetaa ꞌcĩ uranganĩ ẽlẽ cĩnnĩ, adaak lorii cĩnnĩ ẽlẽk, tananga nga arũgĩ nẽẽnĩ.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

2 Timotteeo 4:5

Nẽẽthĩ niina, ꞌthũũtĩ ẽlẽ cunni jurrung hõdõõkõthĩ. Ma haireehi pĩĩrnanĩt dtiica cĩ Nyekuci. Dticcian dtiic hĩ ꞌlimmannioohiti cĩ nyeemuut ꞌcĩ abũnnaa nẽ dẽcaak dtiic ꞌcĩ aaꞌnyi Nyekuci ho jurrung.

Terethiinit 3:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’