52 Nĩngĩtĩ ĩꞌthõõĩ eet ũgĩ hutuwattĩ hõõt õlõõ umwaanĩ looccaa cĩ Thamaria, hátĩ hõõt hũkũmattẽẽhĩ ĩnõõnnõ ꞌgii vẽlẽk.
Baa ĩꞌthõ Yeesu ꞌthooyyiak iccig ĩĩn õmmõtõ hĩ ꞌramma ho, ꞌgõõlaa ꞌcĩ annẽẽkĩ ĩhõõggõ, “Ma hooyyu hĩ eet ꞌcĩg hõllõngaa ĩĩn ꞌJudeei hode ꞌtaaũnnioohĩĩ cĩg eet cĩg Thamaria.
Ma urutaa cĩnnĩ, ẽbẽra Yeesu Makayyioohiti nuyyiook hẽẽn tũkĩramma hĩ ꞌramma tarĩ nẽ ĩꞌthõ hĩ ꞌramma hĩ ꞌramma, hutuwattĩ hõõt ꞌtaaũnnioohĩ hĩ ꞌgoolliohĩ vẽlẽk ĩcĩg hatĩ õkõõĩ nẽẽnĩ.
“Nẽẽthĩ urutaa cĩnnĩ, uppwaanna Thamaritaanõcĩ umwaa nĩngaata. Ma adtuuha eet nicci awaalĩth loota ho, aarria ĩnõõnnõ ꞌthĩnĩt nẽ atamaatĩk eet nicci.
Ma ho, ĩtĩnga Yeesu ũũk ĩĩcĩ ꞌJeruꞌthalẽmĩ, ẽdẽcĩ lõkõõrĩ cĩ Thamaria hĩ ꞌGalileea.
Nĩngĩtĩ aku ẽttẽẽdĩ looc ꞌthõõnĩĩ cĩg Yeesu nẽ atal ĩnõõnnõ gẽrrẽẽt. Nẽ baa ĩĩn ẽẽtĩ tĩho eet cĩ looc cĩ Thamaria.
Ĩnõõnnõ ciee baa eheeddi ꞌBuuhaa cĩ Nyekuci aĩ, “ ‘Hĩꞌthõõakii hatĩ naa Nyekuci nganiit ꞌthooyyiahit caannĩ ꞌcĩ aku akũmaneek ꞌgõõl cunni.’
Nẽẽthĩ ꞌyioko, ikia ẽꞌngẽrkẽẽthan nẽẽ ũũk ĩĩcĩ looc cĩ Thamaria.
Nĩngĩtĩ õdõlanĩ nẽẽ ꞌtaaũn umwa looccaa cĩ Thamaria ꞌcĩ haĩ Thikar, ngaatĩ baa õbõhõõ hĩ mana umwa, ꞌcĩ baa aaꞌnyĩk Yakobo ngeerĩnĩ Yothebo.
Ẽdẽcĩ ngaa nicciee Yeesu anneek, “Alayyaa gõõng ẽẽtĩ ꞌcĩ ĩĩnĩ ꞌJudeeinit ngaa ꞌcĩ hĩĩnĩ Thamaritaanoc maam hutuno?” (Baa ĩĩgĩnnõõ eeta cĩg ꞌJudeei hĩ eet cĩg Thamaria mĩrõk.)
Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”