ꞌLuuka 9:51 - ꞌBuuk cĩ Thõõth cĩ Nyekuci

⁵¹ Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.

ꞌLuuka 9:51 ပူးပေါင်းရင်းမြစ်များ

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

ꞌLuuka 12:50

Nẽẽthĩ, haꞌnyahi baattithimo cĩ ꞌtĩmmaanõ ꞌcĩ nga aayyiaa ĩĩcĩ oou, ꞌcĩ hatĩ haccananiini gẽrrẽẽt, ĩꞌthõng hikia hedeccia!

ꞌLuuka 13:22

Nĩngĩtĩ õkõ allimanõõꞌthĩ Yeesu eet ꞌtaaũnnioohĩ hĩ olooyyiohĩ, baa õkõ nẽẽ ĩĩcĩ ꞌJeruꞌthalẽmĩ.

ꞌLuuka 17:11

Ma ho, ĩtĩnga Yeesu ũũk ĩĩcĩ ꞌJeruꞌthalẽmĩ, ẽdẽcĩ lõkõõrĩ cĩ Thamaria hĩ ꞌGalileea.

ꞌLuuka 18:31

Ma ho, ũũhĩ Yeesu nuyyiook cĩgĩnnĩg ngadiiha nẽ ĩĩnnĩk, “Hõõ ꞌyioko hatĩ naag ꞌJeruꞌthalẽma nẽ õõ hatĩ edeeꞌnyia thooꞌthioha vẽlẽk baag ẽhẽẽd põrõvẽtaaꞌnya, hĩnĩngĩtĩ Ngeertĩ Eeto ĩĩca.

ꞌLuuka 19:11

Ma baa nga athĩhĩ eeta thõõth icci, ikia uduhaak Yeesu ĩhõõggõ thõõth ꞌcĩ awantoothĩk, hĩnĩngĩtĩ baa õbõktõ nẽẽ hĩ ꞌJeruꞌthalẽm nẽ baa ammuhuneek eeta aĩ, õkõ hatĩ edeeꞌnyia habuccieet cĩ Nyekuci nĩĩcĩ noho.

ꞌLuuka 19:28

Ma baa ẽdẽcaak Yeesu ngaatĩ aduhaanĩ thõõth icci, ĩtĩnga ũũk ĩĩcĩ ꞌJeruꞌthalẽmĩ.

ꞌLuuka 24:51

Ma baa nga aggatan nẽẽ ĩhõõggõ, ũtũngeek ĩhõõggõ nẽ õdõngĩ ũũk hẽẽtahujjieen.

ꞌLuuka 9:57

Ma baa nga ẽdẽcĩ nẽẽg ꞌgõõla, ĩĩnnĩk eet umwaa Yeesu, “Hanuyyii hatĩ naa nganiit loonyini vẽlẽk ĩcĩg õkõõĩ.”

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 16:5

“Nẽẽthĩ ꞌyioko, hobodootha naa hĩ Baaba baa ĩꞌthõõannaa nganĩĩta nẽ hiꞌthihi eet umwa hõrggẽẽnaa cunuung ꞌcĩ ajinna anneeka, ‘Õkẽẽna buúk?’

Yõaannẽ 17:11

Iittiõõ hatĩ naa hõllõngaa haalla loota nĩnga, nẽẽthĩ, nga aalla nẽẽg looccaa nĩĩcĩ, nẽẽthĩ ꞌyioko, hikia naa hĩ nganiita. Baaba ꞌcĩ Ẽllẽẽmĩthĩ, ꞌthũũtĩ ĩhõõggõ ꞌtirriaanaa cĩ ꞌthaar cugunnig, ꞌthaar baag aaꞌnyaa nii nganĩĩta, hátĩ hũrũmtĩ nẽẽg hõdẽĩ hĩcĩ harũmĩ naag hĩ nganiita.

Yõaannẽ 6:62

Ma hatĩ ꞌyioko icittu Ngeertĩ Eeto ngaatĩ õtõdĩ õkõõĩ hẽẽtahujjieen ĩĩ baa akuuni!

Dtiicanĩ cĩg ꞌThooyyiahu 1:2

ĩꞌthõng hõdõlan kõr baa odongiini Yeesu õkõõĩ hẽẽtahujjieen, urutaa baa ẽtẽrẽthĩ nẽẽ ꞌthooyyiak baag ẽbẽra nẽẽ Loriiaa ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 1:9

Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.

Eevvetho 1:20

hũrũgũtha Krĩstõ daahĩtha nẽ aaꞌnyĩk ĩnõõnnõ haau attiaa cĩnnĩ ĩcobbi hẽẽtahujjieen.

Pilippi 3:14

Havviri naa, hátĩ hẽdẽcaak iret nẽ hátĩ hũmmũda dũman ꞌcĩ avvaanna Nyekuci hũũk hẽẽtahujjieen, hĩnĩngĩtĩ ꞌgii ꞌcĩ adĩman Yeesu Krĩstõ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.