ꞌLuuka 9:5 - ꞌBuuk cĩ Thõõth cĩ Nyekuci

⁵ Nẽ má aburruung eeta ngaamwaanĩ, utuddungteek tuduhaac cĩ ꞌthoo cugguung nĩngaata, hatĩ ũtũngteehu ꞌtaaũn tĩho, hátĩ hĩĩ terethiinit ꞌcĩ utuburru niig ĩhõõggõ.”

ꞌLuuka 9:5 ပူးပေါင်းရင်းမြစ်များ

Maatteeo 10:18

Aꞌnyakiaannu hatĩ lokihooa hĩ ꞌgaala ꞌcĩg obbitig hĩ habuẽẽta, hĩnĩngĩtĩ iiginnu nuyyiook cĩgannĩg. Ĩĩn hatĩ ciee kõr ꞌcĩ aduhaaku makayyiook hĩ eet ꞌcĩg hõllõngaa ĩĩn ꞌJudeei nyeemuut caannĩ.

Maarko 6:11

Nẽ má hõllõngaa elemmuung eeta õlõõ ꞌcĩ uppwannothoothiku ho nẽ hõllõngaa athiknuunga, ũtũngteek eet nicciag nẽ utuddungteehu tuduhaac cĩ ꞌthoo cugguung nĩngaata, hátĩ hĩĩ terethiinit cĩ bathi cĩnĩĩng.”

Maarko 9:37

“Ẽẽtĩ ꞌcĩ ẽlẽmĩ loholeec ꞌcĩ hidici ꞌcĩ aaĩ hĩ ciee ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩt buúk.”

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

ꞌLuuka 5:14

Nĩngĩtĩ ilootĩ Yeesu ĩnõõnnõ annẽẽkĩ, “Ma hõkõ haduhaahi eet umwa thõõth icci ũdũt. Bĩĩt teretheek paadĩr ẽlẽ cunni nẽ aaꞌnyĩhuu Nyekuc ꞌbaaninit hĩ baa aduha Mũũꞌtha, hátĩ hĩĩ terethiinit hĩ ĩhõõggõ ꞌcĩ aĩ, ũbũnauu niina.”

ꞌLuuka 9:4

Ma uduhuttu halang umwa, aallattia nĩngaata ĩꞌthõng ũtũngteek ꞌtaaũn tĩho.

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

Dtiicanĩ cĩg ꞌThooyyiahu 13:51

Ma ho, utuddungit Paaulo hĩ Baarnaba tuduhaac ꞌthõõnĩĩ cĩggĩĩng ngaatĩho noho nẽ õõt ĩĩcĩ ꞌtaaũn ꞌcĩ haĩ Ikonium.

Dtiicanĩ cĩg ꞌThooyyiahu 18:6

Ma baa iita ũtũbũrĩt eet cĩg ꞌJudeei Paaulo nẽ odoomito ĩnõõnnõ thõng, ikia utuddung nẽẽ tuduhaac ceremwaanĩĩ cĩgĩnnĩg nẽ ĩĩnnĩk ĩhõõggõ, “Eheellu hatĩ niig ꞌgii ꞌcĩ hatĩ alubaakuung ngagiit ẽmmẽn! Hõllõngaa hatĩ addangaaka eet umwaa nganĩĩta. Iꞌthianaanĩ ꞌyioko kõr nicci, hũũk hillimmana naa eet ꞌcĩg hõllõngaa ĩĩn ꞌJudeei.”