ꞌLuuka 9:48 - ꞌBuuk cĩ Thõõth cĩ Nyekuci

⁴⁸ Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

ꞌLuuka 9:48 ပူးပေါင်းရင်းမြစ်များ

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 18:14

Aaĩ noho buúk hĩ Maaꞌnyu cĩ hẽẽtkujjieen. Hõllõngaa adiim nẽẽ ngaatĩ aꞌnginõõꞌthĩ loholeec umwaa lõhõlẽẽnĩĩ ꞌcĩg kidicig ko.

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 25:45

“Ẽdẽcĩ hatĩ nẽẽ aĩ, ‘Haduhaakuung dĩdĩ, ꞌgii ꞌcĩ baa hõllõngaa adticaneeku niig ꞌgotoonoga hĩ ngoonoga iccig hõllõngaa aallak eeta ho, hõllõngaa adticaneekaangu nganĩĩta.’

Maarko 9:37

“Ẽẽtĩ ꞌcĩ ẽlẽmĩ loholeec ꞌcĩ hidici ꞌcĩ aaĩ hĩ ciee ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩt buúk.”

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 22:26

Nẽẽthĩ, ma hattiyyu niig buúk hĩ nẽẽgĩ. Aꞌnyĩĩk eet ꞌcĩ maka hõrggẽẽnaa cunuung, haau hĩ loholeec ꞌcĩ hidiciẽẽnĩ nẽ aꞌnyĩĩk eet ꞌcĩ ĩĩn makayyioohit hõrggẽẽnaa cunuung, hĩĩ dticciannioohit.

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

ꞌLuuka 7:28

Haduhaakuung dĩdĩ, aitiõõ ẽẽtĩ umwaa ꞌcĩ arrita ngaaĩ cĩg irkiꞌnyia iccig ꞌcĩ ĩllõõan Yõaannẽ tõõ. Nẽẽthĩ, ẽẽtĩ ꞌcĩ adtuurna habuccieetaa cĩ Nyekuci, ĩllõõan nẽẽ Yõaannẽ.”

Yõaannẽ 13:20

Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”

Yõaannẽ 14:21

Ẽẽtĩ ꞌcĩ aꞌthũũnnĩ tilooinit caannĩ, ĩnõõnnõ ꞌcĩ ammĩnannaa nganĩĩta. Nẽ ẽẽtĩ ꞌcĩ ammĩnannaa nganĩĩt ko, ammĩnan hatĩ Baaba buúk ĩnõõnnõ, hammĩnani hatĩ naa buúk eet tĩho nẽ heteretheeha ẽlẽ caannĩ ĩnõõnnõ.”

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

1 Pẽẽtũrũ 5:6

Ĩĩtõ tarbalĩg muumaa cĩ Nyekuc ꞌcĩ aꞌnyak makaaꞌthĩt ꞌcĩ ĩllõõan vẽlẽk, hátĩ hodonguung nẽẽ kõr ꞌcĩ adiim nẽẽnĩ.

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.