ꞌLuuka 9:41 - ꞌBuuk cĩ Thõõth cĩ Nyekuci

⁴¹ Nĩngĩtĩ annẽẽkĩ Yeesu ĩhõõggõ, “Illoorru niig eeta cĩg irkiꞌnyia iccig ko gẽrrẽẽt nẽ nga aitioonnuung lemiiniti tõõ. Adiimmu niig hũrũmtĩ naag hĩ ngagiit ĩꞌthõng hatĩngaan? ꞌNyaha daho loholeec cunni ho ngaati ẽlẽ.”

ꞌLuuka 9:41 ပူးပေါင်းရင်းမြစ်များ

Luugithõõ 10:3

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ebereei cieeni, ‘Aburi hatĩ nii ngaatĩ athĩkna nganĩĩt ĩꞌthõng ningina? Lahaneeka eet cĩgannĩg hõõt halayyia nganĩĩta.

Luugithõõ 16:28

Nĩngĩtĩ aduhaakĩ Makayyioohiti Mũũꞌtha annẽẽkĩ, “Aburru niig ngaatĩ anuyyu tilooinit hĩ thõõth caannĩ ĩꞌthõng ningina?

Maatteeo 11:28

“Iita hĩ nganĩĩt niig vẽlẽk eeta ꞌcĩg ippiirriau dtiicanẽẽnnĩĩ ĩĩcĩg adĩddĩngĩĩ hĩ ngaatĩ irriongannu ijjio ꞌcĩg adĩddĩngĩĩ, haaꞌnyuung hatĩ naa nĩngĩtĩ iyyiomannu.

Maatteeo 12:39

Ẽdẽcĩ Yeesu aĩ, “Adiimmu niig terethiinit, hĩnĩngĩtĩ ĩĩgĩnnu niig ꞌthẽccanniook! Terethiinit cĩ põrõvẽtaac Yõõna diooni, ꞌcĩ hatĩ aaꞌnyĩhoothĩkuung ngagiita.

Maatteeo 12:45

Õkõ hatĩ aꞌnyaha nẽẽ ꞌgõõnõgĩ tũkĩramma ꞌcĩg abathĩ hĩllõõanit ĩnõõnnõ hõõt haauto nĩngaata. Nĩngĩtĩ hatĩ abathõõꞌthĩ authẽtĩ cĩ eeto hĩllõõan baa oou. ꞌGõõl ꞌthẽk hatĩ ꞌcĩ aattiyyi eeta ꞌcĩg abathĩ cĩg irkiꞌnyia niccig cieeni.”

Maatteeo 16:4

Adiimmu niig terethiinit, hĩnĩngĩtĩ iiginnu ꞌthẽccanniook nẽ hõllõngaa aꞌnyaku lemiinit! Nẽẽthĩ, terethiinit cĩ Yõõna diooni ꞌcĩ hatĩ aaꞌnyĩhoothĩkuung ngagiita.” Nĩngĩtĩ ũũnnĩkĩ Yeesu ĩhõõggõ nẽ ũũha.

Maatteeo 17:17

Ma ho, uduhaak Yeesu ĩhõõggõ ĩĩnnĩk, “Ĩĩgĩnnu niig eet ꞌcĩg okommuung ooti nẽ aitiõõ lemiiniti tõõ! Harũmĩ hatĩ naag hĩ ngagiit ĩꞌthõng ningina? Hemeeꞌthuung hatĩ naa ngagiit ĩꞌthõng ningina? Aꞌnyaktahaangu da buulenit nicci ngaati.”

Maatteeo 23:36

Haduhaakuung dĩdĩ, uukennu hatĩ niig eeta cĩg irkiꞌnyia iccig ko, hĩnĩngĩtĩ thooꞌthiok iccig vẽlẽk!

Maatteeo 3:7

Ma baa acĩn Yõaannẽ Variꞌtheei hĩ Thadutheei ꞌcĩg mẽẽlĩg ngaatĩ au aggamĩ baattithimo ho, ikia eggerenyeek ĩhõõggõ ĩĩnnĩk, “Niig eeta ꞌcĩg abaꞌthu aaut hĩ hũkaaꞌnya ho, nganĩ ꞌcĩ aduhaakuung ngagiit aĩ, iita baattithimooa, hátĩ iliittia ukẽẽnĩt ꞌcĩ hatĩ aku ho?

Maarko 10:14

Ma baa õrõõta Yeesu thõõth icci ho, ikia ĩlĩĩlĩ nẽẽ nẽ ĩĩnnĩk nuyyiook, “Aanytĩk lõhõlĩ hiita hĩ nganĩĩta, ma halaammu ĩhõõggõ, hĩnĩngĩtĩ adiim habuccieet cĩ Nyekuci eet ꞌcĩg aattĩg hĩ lohollia cieegi.

Maarko 10:49

Ma ho, ĩbĩl Yeesu nẽ uduhaak eet ĩĩnnĩk, “Utuvuyyia da ho ĩnõõnnõ hikia ngaati.” Ma ho, utuvvuyyia eeta rubenniaahit ĩĩttĩk, “Talõ, tĩnga ꞌjieena, avvĩyyĩ Yeesu nganiita.”

Maarko 9:19

Ma nĩngaata, uduhaak Yeesu lothippit ĩĩnnĩk, “Niig eeta ꞌcĩg aitioonnuung lemiiniti tõõ ho, ĩꞌthõng ꞌthẽk hatĩ ningina ꞌcĩ occa harũmẽẽnĩ naag hĩ ngagiit? Nẽ ĩꞌthõng hatĩ ningina ꞌcĩ occa hemeeꞌthuung naa ngagiit? Aꞌnyaktahaangu nganĩĩt buulenit ngaati!”

ꞌLuuka 8:25

Ma ho, ijin Yeesu nuyyiook ĩĩnnĩk, “Aaĩ lemiiniti cunuung ngaana?” Ara hinnia nẽẽg abarrit nẽ ubulattĩ haaga, nĩngĩtĩ ajinõõnĩ nyaagwaana aĩnnĩ, “Eet tĩhathini gõõng ciee abĩllĩ ngõõt hĩ maam buúk ko?”

ꞌLuuka 9:40

Baa hala nuyyiook cugunnig hitiggiaacõ, aitiõõ hinnia hõllõngaa ũũlũ ũdũt.”

ꞌLuuka 9:42

Tananga baa nga õkõ buuleniti ĩĩcĩ aayyi Yeesu, ara ẽttẽẽdĩ lorii ꞌcĩ abathĩ ho ĩnõõnnõ looc noho ꞌlir hẽvẽvvẽr. Ma ho, eggerꞌnyeek Yeesu lori ꞌcĩ abathĩ ho, hũbũna buuleniti nĩĩcĩ noho. Ma nĩngaata, õbõdẽẽhĩ Yeesu loholeec maaꞌnyĩ.

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 20:27

Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”

Dtiicanĩ cĩg ꞌThooyyiahu 13:18

nẽ ũꞌthũũtĩ ĩhõõggõ irkiꞌnyia hẽẽn ꞌwec horrwatõõ ꞌcĩ õdõhõhĩĩ kak.

Dtiicanĩ cĩg ꞌThooyyiahu 2:40

Ma nĩngaata, uduhaak Pẽẽtũrũ ĩhõõggõ thooꞌthiok ũgĩ ꞌcĩg mẽẽlĩg gẽrrẽẽt. Nĩngĩtĩ ĩlalẽẽkĩ nẽ irrioonĩk ĩĩnnĩk, “Eellia eleeti cugguung, hĩnĩngĩtĩ ĩĩn eeta cĩg irkiꞌnyia iccig ꞌthẽccanniook.”

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

Ebereei 3:19

Hĩcĩnĩt naag ngaatĩ hõllõngaa adukni nẽẽg nĩngĩtĩ ꞌyiommaanõ ho, hĩnĩngĩtĩ abũrĩ nẽẽg thõõth cĩ Nyekuci.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 4:2

Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.