ꞌLuuka 9:35 - ꞌBuuk cĩ Thõõth cĩ Nyekuci

³⁵ Ma ho, õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hẽbẽra cieeni, ĩthĩhĩt ĩnõõnnõ.”

ꞌLuuka 9:35 ပူးပေါင်းရင်းမြစ်များ

Maatteeo 12:18

“Dticciannioohit caannĩ cieeni baa hẽbẽra naana, hamĩna naa ĩnõõnnõ, nẽ haccamanoothihi naa, hĩnĩngĩtĩ ĩnõõnnõ, haarihi hatĩ naa Lori caannĩ hĩ ĩnõõnnõ. Nẽ hatĩ aꞌnyahaak nẽẽ eet bũnnai loonyini vẽlẽk.

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maarko 1:11

Ma ho, õthõõth mõlõõhĩ umwaa ꞌcĩ aku hẽẽtahujjieen ĩĩ, “Ĩĩnĩ nii Loholeec caannĩ ꞌcĩ hammĩnannii gẽrrẽẽt ũdũt nẽ haccamanoothihi naa, hĩnĩngĩtĩ nganiita.”

ꞌLuuka 3:22

nẽ ulluuccia Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ. Nĩngĩtĩ õthõõthanĩ mõlõõhĩ umwaa hẽẽtahujjieen aĩnnĩ, “Ĩĩnĩ nii Loholeec caannĩ ꞌcĩ hamĩna. Haccamanannii maaꞌnyu gẽrrẽẽt.”

ꞌLuuka 9:34

Ma baa nga õthõõth Pẽẽtũrũ, uppwaanna diith umwaa nẽ ũmmũt ĩhõõggõ, nĩngĩtĩ itieelini ꞌthooyyiaha gẽrrẽẽt.

Yõaannẽ 12:28

Baaba ꞌnyahaak ꞌthaar cugunnig bulẽẽnĩt!” Ma ho, ikia mõlõõhĩ umwaa hẽẽtahujjieen ꞌcĩ õthõõth aĩ, “Hubulutha naa ꞌthaar cĩgannĩg ẽlẽk nẽ habuluthi hatĩ tarĩ.”

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 3:15

Nẽ aĩ ꞌBuuhi cĩ Nyekuci nẽẽ, “Má ithiktu molook cĩ Nyekuci kõr nicci, ma haburru, hĩ baa abũrĩ eeta cĩg Ĩꞌthĩraẽlĩ.”

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.