ꞌLuuka 9:27 - ꞌBuuk cĩ Thõõth cĩ Nyekuci

²⁷ Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ arũgĩ ĩꞌthõng hĩcĩnĩt habuccieet cĩ Nyekuci.”

ꞌLuuka 9:27 ပူးပေါင်းရင်းမြစ်များ

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maarko 14:25

Haduhaakuung naa ngagiit dĩdĩ, iitiõõ hatĩ naa hõllõngaa hahudi viino umwa tarĩ, ĩꞌthõng hikia hũhũd ꞌcĩ ĩĩn ngeju habuccieetaa cĩ Nyekuci.”

Maarko 9:1

Baa aduhaak Yeesu nuyyiook cĩgĩnnĩg hĩ lothippit anneek, “Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ hõllõngaa adaahĩ nga hĩcĩnĩt habuccieet cĩ Nyekuci ngaatĩ akuuni ꞌtirriaana.”

ꞌLuuka 2:26

Baa aduhaak Lorii ꞌcĩ Ẽllẽẽmĩth ĩnõõnnõ anneek, aitiõõ hatĩ nẽẽ hõllõngaa adaahĩ nga hĩcĩn Krĩstõ cĩ Makayyiookto.

ꞌLuuka 22:18

Hĩnĩngĩtĩ haduhaakuung dĩdĩ, iittiõõ hatĩ hõllõngaa hahudi viino tarĩ, ĩꞌthõng hikia habuccieet cĩ Nyekuci.”

Yõaannẽ 14:2

Mẽẽlĩg ꞌcieethi õlõõ cĩ Baaba nẽ hõkõ hatĩ hakũmaneekuung naa ngagiit nĩngĩtĩ au aattiyyu. Má baa hiittiõõ hõllõngaa ĩĩn dĩdĩ, occa ꞌyioko hõllõngaa haduhaakuung thõõth icci.

Yõaannẽ 16:7

Nẽẽthĩ haduhaakuung dĩdĩ, hõkõ naa ĩĩmwaanĩ, hĩnĩngĩtĩ bũnnai cunuung. Ma hõllõngaa hõkõ, aitiõõ hatĩ Ellioohiti hõllõngaa aku hĩ ngagiita nẽ má hũũha, hõkõ hatĩ hĩꞌthõõakuung ngagiit ĩnõõnnõ.

Yõaannẽ 8:59

Ma nĩngaata, uuratta nẽẽg biyyiẽẽn ꞌcĩg adiim õhõdaanĩ Yeesu hadaak. Nĩngĩtĩ aguꞌthẽẽnĩ Yeesu nẽ uduhuna battaala ꞌCieethaa cĩ Nyekuci.

Ebereei 2:9

Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.