ꞌLuuka 9:16 - ꞌBuuk cĩ Thõõth cĩ Nyekuci

¹⁶ Ma ho, ittiha Yeesu ũbũnẽẽt ꞌcĩg ĩĩn ꞌtur hĩ ulugo ꞌcĩg ĩĩn ꞌramma ho nẽ ĩcĩnõõthĩ hẽẽtkujjieen nẽ alaõõĩ nẽ ẽꞌngẽra. Nĩngĩtĩ aaꞌnyĩkĩ nuyyiook heꞌngerrieek lothippit.

ꞌLuuka 9:16 ပူးပေါင်းရင်းမြစ်များ

Maatteeo 14:19

nĩngĩtĩ aduhaakĩ nẽẽ eet haauto loota arteetta. Ma ho, ittiha nẽẽ ũbũnẽẽt ꞌcĩg ĩĩn ꞌtur hĩ ulugo ꞌcĩg ĩĩn ꞌramma ho nẽ ẽdẽẽnyõthĩ hẽẽtkujjieen nẽ aggatana nẽ appaha. Nĩngĩtĩ aaꞌnyĩkĩ nuyyiook cĩgĩnnĩg heꞌngerrieek eeta.

Maatteeo 15:36

Ma ho, ittiha nẽẽ ũbũnẽẽt ꞌcĩg ĩĩn tũkĩramma hĩ ulugo ꞌcĩg abadtẽc ko, ma baa ĩĩnnĩk nẽẽ Nyekuc Maaꞌnyĩ ĩlaallẽ, ikia ẽꞌngẽr nẽẽ ũbũnẽẽt nẽ aaꞌnyĩk nuyyiook cĩgĩnnĩg, heꞌngerrieek lothippit.

Maarko 7:34

Ma ho, ĩcĩnõõthĩ Yeesu hẽẽtkujjieen nẽ õbõdẽẽhĩ ꞌthĩnĩt, nĩngĩtĩ annẽẽkĩ eet nicci, “Ẽvvatha,” nĩngĩtĩ aĩ, “ꞌBuuhi!”

ꞌLuuka 22:19

Nĩngĩtĩ attihaanĩ ũbũnĩ nẽ aggatana. Ma ho, ẽꞌngẽr nẽ aꞌnyĩĩk ĩhõõggõ nẽ ĩĩnnĩk, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, uduhit, hátĩ gõõng ummuktaayyiaangu nganĩĩta.”

ꞌLuuka 24:30

Ma baa iccioloongan Yeesu, hátĩ hudukto, ittiha ũbũnĩ nẽ aggatana nẽ appak, nĩngĩtĩ aaꞌnyĩkĩ ĩhõõggõ.

ꞌLuuka 9:15

Nĩngĩtĩ adĩmanĩ ꞌthooyyiaha buúk hĩcĩ aduha nẽẽ ho.

ꞌLuuka 9:17

Aduk eeta ꞌgẽẽn tĩho ĩꞌthõng hũũppattĩ nẽẽg vẽlẽk, huluttia ꞌthooyyiaha thuruthur ꞌcĩg ũũppan lohoddwa õmmõtõ hĩ ꞌramma.

Yõaannẽ 6:11

Ma nĩngaata, aggama Yeesu ũbũnẽẽt niccig nẽ aggatana, nĩngĩtĩ ẽꞌngẽrẽẽkĩ eeta. Ma urutaa cĩnnĩ, ikia aggatan nẽẽ ulugo buúk nẽ eꞌngereek eet. Nĩngĩtĩ aduhẽẽnĩ eeta vẽlẽk hũũppattĩ.

Yõaannẽ 6:23

Baa au haahũlĩta ũgẽẽgĩ ĩĩcĩ ꞌtaaũn cĩ Tiberia hiita hõdõlanit nĩngĩtĩ õbõhõõ hĩ nĩngĩ baa aggatanĩ Makayyioohiti ũbũnẽẽt nẽ udukto eeta.

Dtiicanĩ cĩg ꞌThooyyiahu 27:35

Ma baa uduha nẽẽ thõõth icci, ittiha ũbũnĩ umwa, nẽ ĩĩnnĩk Nyekuc ĩlaallẽ hẽbẽrẽẽnnĩĩ cĩggĩĩng vẽlẽk. Nĩngĩtĩ ẽꞌngẽrĩ ũbũnĩ nẽ uduk nẽẽ umwa.

ꞌRooma 14:6

Nuyyiooha vẽlẽk ꞌcĩg arrĩcana waathĩn hõdẽẽthõng hĩllõõan waathinniook vẽlẽk, adĩman noho, hátĩ hubuluthit Makayyioohit. Nẽ nuyyiooha vẽlẽk ꞌcĩg adak iding, anneek Nyekuc ĩlaallẽ haauto hĩ eeta ꞌcĩg hõllõngaa adak iding.

1 Korinthia 10:30

Má hadahi naa ꞌgẽẽn nẽ hĩĩnnĩha Nyekuc ĩlaallẽ, inni hutuburriaa eeta, hĩnĩngĩtĩ ꞌgẽẽn ꞌcĩ hannẽẽkĩ Nyekuc ĩlaallẽ ho?

1 Korinthia 11:24

ma baa ĩĩnnĩk Nyekuc ĩlaallẽ, ikia appak nẽẽ ũbũnĩ nicci nẽ ĩĩ, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, ĩdĩmanit thõõth icci, hátĩ gõõng ummuktaayyiaangu nganĩĩta.”