ꞌLuuka 9:11 - ꞌBuuk cĩ Thõõth cĩ Nyekuci

¹¹ Au hinnia aga eeta thõõth icci, nĩngĩtĩ anũĩ ĩnõõnnõ. Nẽ atal Yeesu ĩhõõggõ ngaatĩ auuni nẽ illimaneek ĩhõõggõ thõõth cĩ habuccieet cĩ Nyekuci nẽ aaꞌnyĩk ꞌcĩg õmmõõrĩ hũbũttaathõ.

ꞌLuuka 9:11 ပူးပေါင်းရင်းမြစ်များ

Maatteeo 12:15

Baa aga Yeesu thõõth ꞌcĩ atuhan nẽẽg ko, nĩngĩtĩ aku ũũnnĩkĩ nĩngĩtĩho. Nẽ baa maka lothippiti ꞌcĩ anũ ĩnõõnnõ gẽrrẽẽt, nĩngĩtĩ aaꞌnyĩkĩ eet cĩggĩĩng ꞌcĩg õmmõõrĩ vẽlẽk hũbũttaathõ,

Maatteeo 14:14

Ma baa uduhuna Yeesu haahũla battaalaa, ikia ĩcĩn nẽẽ lothippit cĩ eetu nẽ atamaatĩk ĩhõõggõ, nĩngĩtĩ aaꞌnyĩkĩ eet ꞌcĩg õmmõõrĩ hũbũttaathõ.

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

Maatteeo 21:43

“Nẽẽthĩ hoti ho, haduhaakuung naa ngagiit hanneekuung, aggammiaa hatĩ habuccieet cĩ Nyekuci hĩ ngagiit nẽ aaꞌnyĩhoothĩk eet ꞌcĩg hatĩ adtican thooꞌthiok ꞌcĩg accamana Nyekuci.

ꞌLuuka 1:53

Aaꞌnyĩk nẽẽ eet ꞌcĩg adak magĩthĩ hẽlẽggĩ ꞌcĩg abũnnaa, nẽ itiggia eet ꞌcĩg aĩ hĩĩgĩnna balliook, hõõt athĩnĩĩ ꞌtẽl.

ꞌLuuka 5:31

Nẽ ẽdẽc Yeesu ĩhõõggõ ĩĩnnĩk, “Hõllõngaa eet ꞌcĩ abũnnaa ꞌcĩ adiim akĩĩm, nẽẽthĩ, eet ꞌcĩ õmmõõrĩ ꞌcĩ adiim ĩnõõnnõ.

ꞌLuuka 8:1

Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,

ꞌLuuka 8:10

Nĩngĩtĩ ẽdẽcĩ Yeesu ĩhõõggõ annẽẽkĩ, “Baa elemmiakuung ngagiit agaac thooꞌthiok ꞌcĩg ammiꞌthi cĩg habuccieet cĩ Nyekuci ẽlẽk. Nẽẽthĩ, hallimani naa eet ũgĩ thooꞌthiohĩĩ ꞌcĩg awantoothĩk ko, haini hátĩ, “ ‘hedeeꞌnyia thõõth baa aduha ꞌBuuhi cĩ Nyekuci hĩĩ dĩdĩ baa aĩ, Tananga acĩnĩ nẽẽgĩ, aitiõõ hatĩ hõllõngaa adtuuha, nẽ tananga má athĩknĩ, aitiõõ hatĩ hõllõngaa au aga.’

ꞌLuuka 9:10

Ma baa oboddia ꞌthooyyiaha, iita uduktaak Yeesu dtiicanĩ ꞌcĩg baag adĩman nẽẽg ko. Nĩngĩtĩ õkõõĩ nẽẽ ĩhõõggõ ĩĩcĩ ꞌtaaũn cĩ Beꞌthaida.

ꞌLuuka 9:12

Ma baa iggiingi kõrra, iita ꞌthooyyiaha ĩĩttĩk Yeesu, “Duhaak eet hõõt hummuddia ꞌgẽẽn olooyyiohĩĩ ꞌcĩg obokii hĩ nĩngĩtĩ ooginni, hĩnĩngĩtĩ haattĩg naag ngaatĩ aitiõõnnĩ ꞌgii vẽlẽk tõõ.”

ꞌLuuka 9:2

nẽ ĩꞌthõ ĩhõõggõ hõõt hillimatteek eet thõõth cĩ habuccieet cĩ Nyekuci nẽ aanytĩk ꞌcĩg õmmõõrĩ hũbũttaathõ.

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Dtiicanĩ cĩg ꞌThooyyiahu 28:31

Nĩngĩtĩ arrĩcanaanĩ Paaulo irriõõnĩ habuccieet cĩ Nyekuci nẽ illimaneek eet thõõth cĩ Makayyioohit Yeesu Krĩstõ nẽ baa hiꞌthihi eet ꞌcĩ ũũlũ ngaatĩ abĩllĩ ĩnõõnnõ ũdũt.

ꞌRooma 10:14

Nẽ occa ẽlẽmĩ nẽẽg eet ꞌcĩ nga hagaacõ hutuno? Occa ẽlẽmĩ nẽẽg eet ꞌcĩ nga hĩthĩhĩt hutuno? Nẽ occa athĩhĩ nẽẽg hatĩ aitiõõ ẽẽtĩ ꞌcĩ irrioonĩk ĩhõõggõ tõõ hutuno?

ꞌRooma 10:17

Nẽẽthĩ, aku lemiiniti, hĩnĩngĩtĩ thĩhẽẽnĩt cĩ nyeemuut ꞌcĩ abũnnaa nẽ aduha nyeemuut ciee thõõth cĩ Krĩstõ.

ꞌRooma 15:3

Tananga Krĩstõ, baa hõllõngaa aaꞌnyĩk nẽẽ ẽlẽ cĩnnĩ haccamanoothĩk. Nẽẽthĩ, hĩcĩ aduha Krĩstõ ꞌBuuhaa cĩ Nyekuci aĩ, “Nyekuc, õdõõmta nganĩĩt buúk eeta baag odoommi nganiita.”

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.