ꞌLuuka 8:8 - ꞌBuuk cĩ Thõõth cĩ Nyekuci

⁸ Nẽ baa ĩꞌthaattothoothĩk hinyomona ũgẽẽgĩ ꞌthẽẽmĩĩ ꞌcĩg abũnnaa. Ma baa abũtha ho, iita ibbiirito jurrung hĩllõõanit baag athacci ĩĩcĩ oou tabattĩ ꞌmiia hõdẽĩ.” Ma baa uduha Yeesu thooꞌthiok iccig ẽlẽk, irrioon ĩĩ, “Aꞌnyĩĩk eet ꞌcĩ aꞌnyak ĩtat hĩthĩhõ!”

ꞌLuuka 8:8 ပူးပေါင်းရင်းမြစ်များ

ꞌThianaattõ 26:12

Ma nĩngaata, akat Iꞌthaako mana looccaa cĩ ꞌGerarĩ irkit tĩho, nĩngĩtĩ abbiirnĩ mana cĩnnĩ gẽrrẽẽt, hĩnĩngĩtĩ baa aggatan Makayyioohiti ĩnõõnnõ.

Maatteeo 11:15

Ẽẽtĩ ꞌcĩ aꞌnyak ĩĩna, aꞌnyĩĩk hĩthĩhõ jurrung.

Maatteeo 13:23

Nẽẽthĩ, hinyomona ꞌcĩg ĩꞌthanothoothĩk ꞌthẽẽm ꞌcĩg abũnnaa, ĩĩn eet ꞌcĩg athĩhĩ nẽ agaacõ nyeemuut. Aattĩg nẽẽg hĩ haala ꞌcĩg abbiiri nẽ ittoorri tabattĩ mẽẽlĩg hĩllõõanit baag athacci ĩĩcĩ oou.”

Maarko 4:20

Nẽ hinyomona ꞌcĩg athacoothĩk ngaatĩ abũnnaa ꞌthẽẽma ho, aattĩg hĩ eeta ꞌcĩg athĩhĩ thõõth cĩ Nyekuci nẽ elemita, abbiiri jurrung aꞌnyaha ũgẽẽgĩ haal hẽẽn iyyio, aꞌnyaha ũgẽẽgĩ haal hẽẽn tõrkõnõn nẽ aꞌnyakta ũgẽẽgĩ haal ꞌmiia hõdẽĩ.”

Maarko 4:23

Má aꞌnyak ẽẽtĩ umwaa ĩĩna, aaꞌnyĩk hĩthĩhõ.”

Maarko 4:8

Ma nĩngaata, iita ĩꞌthaattothoothĩk hinyomona ũgẽẽgĩ tarĩ ngaatĩ ĩĩn cooni nẽ ubuꞌthia haala hitiliꞌthia jurrung hibbiirito. Baa aꞌnyak haaliti hõdẽẽthõng haal hẽẽn iyyio nẽ aꞌnyak umwaa haal hẽẽn tõrkõnõn nẽ aꞌnyak umwaa haal ꞌmiia hõdẽĩ.”

Maarko 7:16

Nẽ má aꞌnyak ẽẽtĩ umwaa ĩĩn ꞌcĩg athĩknẽẽnĩ, aꞌnyĩĩk hĩthĩhõ.”

ꞌLuuka 14:35

Iittiõõ hõllõngaa abũnnaa ngaatĩ hõꞌngõõtanẽẽkĩ ꞌthẽẽm hode cooni, ikia udduutoothĩk tuu haaga. “Aꞌnyĩĩk eet ꞌcĩ aꞌnyak ĩtat hĩthĩhõ.”

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

ꞌLuuka 8:7

Ĩꞌthanothoothĩk hinyomona ũgẽẽgĩ bĩllanĩtõõ nẽ itiliꞌthia hõdẽĩ hĩ bĩlla, nĩngĩtĩ aruhi bĩlla ĩhõõggõ.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Terethiinit 13:9

Nẽ ẽẽtĩ ꞌcĩ aꞌnyahi ĩĩna, thĩhõõ jurrung.

Terethiinit 2:11

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ ẽẽtĩ ꞌcĩ abũrĩ thõõth cĩ ꞌThĩttaanõ ũdũt, aitiõõ hatĩ ẽẽtĩ tĩho hõllõngaa õkõ accananni ꞌgwoyyiaa ꞌcĩ aalla ooo, hĩnĩngĩtĩ daahĩth ꞌcĩ uruto niccia.”

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 3:13

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippit cĩ lemmioohu ho jurrung.”

Terethiinit 3:6

Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”