ꞌLuuka 8:54 - ꞌBuuk cĩ Thõõth cĩ Nyekuci

⁵⁴ Ma ho, aggam Yeesu loholeec aꞌthiit nẽ ĩĩnnĩk, “Loholeec caannĩ ho, tĩnga!”

ꞌLuuka 8:54 ပူးပေါင်းရင်းမြစ်များ

Maatteeo 9:25

Ma baa urutaa ꞌcĩ ũũhĩ lothippiti battaala, ikia uduhun Yeesu ꞌcieetõõ hũũk haggam loholeec aꞌthiit, nĩngĩtĩ ĩꞌngaannĩ loholeec ꞌjieena.

Maarko 1:31

Nĩngĩtĩ õkõõĩ nẽẽ hõbõktõ hĩ nangẽrẽb nẽ aggam ĩnõõnnõ aꞌthiit cĩnnĩ nẽ õdõng haau ꞌjieena. Ma hĩdĩĩkoothong, ikia ũtũngeek ĩnõõnnõ abuurꞌtheta, nĩngĩtĩ adticanõõthĩkĩ nẽẽ ĩhõõggõ.

Maarko 8:23

Ma nĩngaata, ikia aggam Yeesu aꞌthiit cĩ rubenniookto ho nẽ ũũhĩ ĩnõõnnõ battaalaa cĩ olu. Nĩngĩtĩ õkõ attũũrĩkĩ ĩnõõnnõ ammũt hẽbẽrẽẽnnĩĩ cĩgĩnnĩg nẽ ataadĩk athĩn cĩgĩnnĩg ẽllaa cĩ rubenniookto nẽ ijin ĩnõõnnõ ĩĩnnĩk, “Occa icinu ꞌgiimwa?”

Maarko 9:27

Nĩngĩtĩ ẽẽlĩ Yeesu loholeec, aggamĩ aꞌthiit cĩnnĩ nẽ õdõng hĩbĩl ꞌjieena.

ꞌLuuka 8:51

Ma uppwaanni Yeesu õlõõ cĩ ꞌJairo ho, ũũk ẽtẽdẽyẽẽhĩ eet ngaatĩ adukni ꞌcieetõõ nẽ ẽlẽmaahĩ Pẽẽtũrũ, hĩ Yõaannẽ hĩ ꞌJeemith dioo hĩ maaꞌnyĩ loholeeco hĩ aattĩnnĩ.

ꞌLuuka 8:53

Arannĩ hinnia eeta Yeesu thõng, hĩnĩngĩtĩ baa agaacõ nẽẽg ngaatĩ adaahĩ loholeec ẽlẽk.

ꞌLuuka 8:55

Ma nĩngaata, õbõda lorii cĩ loholeeco, nĩngĩtĩ arũgnaanĩ haau ꞌjieena. Nẽ uduhaak Yeesu eet haanytĩk ꞌgiimwa hadak.

Yõaannẽ 11:43

Ma baa uduha Yeesu thõõth icci ẽlẽk, ikia ũtũvvõ nẽẽ moloohaa cobbi ĩĩ, “Laaꞌtharõ, duhuna battaala!”

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Dtiicanĩ cĩg ꞌThooyyiahu 9:40

Ma nĩngaata, ikia uduhaak Pẽẽtũrũ ĩhõõggõ vẽlẽk hõõt nõõ battaala, nĩngĩtĩ akannĩ huruꞌnyia nẽ alaõ. Ma ho, ũtũhũoothĩk ngaa ꞌcĩ adaahĩ ho nẽ ĩĩnnĩk, “Tabitha, tĩnga ꞌjieena.” Nĩngĩtĩ acĩnẽẽnĩ Tabitha hudtuuha Pẽẽtũrũ nẽ aau ꞌjieena.

ꞌRooma 4:17

Hĩcĩ eheeddi ꞌBuuhaa cĩ Nyekuci aĩ nẽẽ, “Haaꞌnyii naa nganiit ĩĩnu maaꞌnyĩ loonyin ꞌcĩg mẽẽlĩg.” Ĩĩn nẽẽ baangeet cĩnaac muumaa cĩ Nyekuci, baa ẽlẽmĩ nẽẽ aĩ, aaꞌnyĩk rũgẽt daakiak nẽ ẽtẽhẽnya hẽlẽggĩ ꞌcĩg ĩĩn ngeju.