ꞌLuuka 8:47 - ꞌBuuk cĩ Thõõth cĩ Nyekuci

⁴⁷ Ma baa aga ngaa ciee aĩ happulannia hatĩ ho, ikia aggam barriti nĩĩcĩ noho, nĩngĩtĩ aku ẽttẽẽdĩ looc ꞌthõõnĩĩ cĩg Yeesu, hẽbẽrẽẽnnĩĩ cĩg eet vẽlẽk nẽ ẽddẽẽba thõõth ꞌcĩ ahumi nẽẽ cẽrẽm cĩ Yeesu ho. Nĩngĩtĩ aduhaakĩ eet ꞌgõõl ꞌcĩ aku abũnnayyĩ nẽẽ ꞌthaa tĩho noho ho.

ꞌLuuka 8:47 ပူးပေါင်းရင်းမြစ်များ

Maatteeo 28:8

Nĩngĩtĩ aꞌthũkcĩ ngaaĩ niccieeg ũũnnĩkĩ ꞌlook hõõt huduktaak nuyyiook cĩgĩnnĩg, tananga itieelli, baa accamanoothĩk pee.

Maarko 5:33

Baa abarrit ngaa ciee nẽ itiẽẽlĩ gẽrrẽẽt, nĩngĩtĩ appulanaanĩ ẽlẽ cĩnnĩ, hĩnĩngĩtĩ agaõõthĩ nẽẽ ngaatĩ ammanyanõõĩ mõõrĩthĩ cĩnnĩ ho nẽ ikia akat huruꞌnyia muumaa cĩ Yeesu nẽ uduhaak ĩnõõnnõ thõõth vẽlẽk ꞌcĩ ĩĩn dĩdĩ.

ꞌLuuka 8:46

Ẽdẽcĩ Yeesu aĩ “Uhuma ꞌthẽk hatĩ ẽẽtĩ umwaanĩ, hĩnĩngĩtĩ hathĩknoothi ngaatĩ ũũhĩ ꞌtirriani umwaa ẽllaa caannĩ battaala.”

ꞌLuuka 8:48

Ma ho, uduhaak Yeesu ĩnõõnnõ ĩĩnnĩk, “Loholeec caannĩ, aaꞌnyi nganiit lemiiniti cunni bũna. Tĩnga bĩĩt lõꞌngõõc.”

Dtiicanĩ cĩg ꞌThooyyiahu 16:29

Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla.

1 Korinthia 2:3

Baa hakuu naa hĩ ngagiit hĩ ẽẽtĩ ꞌcĩ hõllõngaa hattirani nẽ hiꞌngolli nẽ habarrita gẽrrẽẽt.

2 Korinthia 7:15

Ammĩnannuung ngagiit Tiito gẽrrẽẽt hatĩ ammuhoothi ꞌgõõl baa iꞌngoliinnu niig ĩnõõnnõ nẽ abarritu tẽẽlꞌthĩta, ngaatĩ ẽlẽmaaku niig ĩnõõnnõ hikia hĩ ngagiita.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Ebereei 12:28

Hĩcĩ hummuddia naag habuccieet ꞌcĩ hõllõngaa õmmõõtĩ ho, hatalit nẽ hĩdĩhĩthĩt Nyekuc ngaatĩ halaĩ ĩnõõnnõ tẽẽlꞌthĩtaa ꞌcĩ ẽllẽẽmĩthĩ hĩ bulẽẽtta.