ꞌLuuka 8:31 - ꞌBuuk cĩ Thõõth cĩ Nyekuci

³¹ Ma nĩngaata, alaacõ loriẽẽta ꞌcĩg abathĩ ho Yeesu hiittiõõ hõllõngaa iiggiaeek ĩhõõggõ ꞌloohatõõ ꞌcĩ hõllõngaa adtuurnihi.

ꞌLuuka 8:31 ပူးပေါင်းရင်းမြစ်များ

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

ꞌLuuka 8:28

Ma baa adtuuha nẽẽ Yeesu ho, awacak gẽrrẽẽt hẽttẽẽd looc ꞌthõõnĩĩ cĩg Yeesu nẽ ẽggẽrẽny ĩĩ, “Ne ꞌcĩ adiimi nii hĩ nganĩĩt ko Yeesu, Ngeertĩ Nyekuc ꞌcĩ ĩllõõan vẽlẽk? Halayyi baaĩ nuun thõng, ma hadĩmannaa ꞌbuth!”

ꞌLuuka 8:32

Baa ammũdeek ẽgĩ tẽẽnyĩ cĩ ꞌngõõhĩꞌnyannu muuraa lõmẽrra nĩngaata. Nĩngĩtĩ alaĩ loriẽẽta ꞌcĩg abathĩ ho Yeesu haaꞌnyĩk ĩhõõggõ hõõt ꞌngõõhĩꞌnyannĩtõõ.

ꞌRooma 10:7

Hode occa ajin aĩ, “Nganĩ ꞌcĩ occa allũũcĩ õkõ looccaa cĩ daakiahu?” hũũk hũrũgũtha Krĩstõ daahĩtha.

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 9:11

Baa habu cĩnĩĩng aajĩlõ ꞌcĩ ĩĩn makayyioohit cĩ ꞌlook ꞌcĩ uuthik hiꞌthihi dtuurnanĩt ko. Baa haĩ ꞌthaar cĩgĩnnĩg Ebereeiyyi Abaddon nẽ thõõthaa cĩ eet cĩg ꞌGirihi, haĩ Apollion, nĩngĩtĩ aĩ, eet ꞌcĩ acũda hode aggĩĩra eet.