ꞌLuuka 8:3 - ꞌBuuk cĩ Thõõth cĩ Nyekuci

³ Yõaanna ngaa cĩ ꞌCuutha, makayyioohit cĩ halang cĩ Ẽrõõdẽ, hĩ Thuꞌthaana hĩ ꞌgõõnõgĩ ũgĩ. Baa adticanoothĩk ngaaĩ cieeg Yeesu hĩ nuyyiook cĩgĩnnĩg.

ꞌLuuka 8:3 ပူးပေါင်းရင်းမြစ်များ

Maatteeo 14:1

Waathinnioohĩ nĩĩcag, baa ĩĩn Ẽrõõdẽ habu, ikia ĩthĩk nẽẽ nyeemuut cĩ Yeesu.

Maatteeo 14:3

Baa aggam Ẽrõõdẽ Yõaannẽ hẽcẽb nẽ aarĩk baabuuthatõõ, hĩnĩngĩtĩ ngagõtõnõõnĩ ꞌcĩ haĩ Erodia, ngaa cĩ Pilippo,

Maatteeo 14:6

Ma baa õdõlanit waathinniooha cĩg karrama cĩ kõr baa arrittiaanĩ Ẽrõõdẽ, ikia tĩnaatĩ Erodia ũrũgũmeek eet cĩg karramaawak nẽ aaꞌnyĩk Ẽrõõdẽ haccamanoothĩk gẽrrẽẽt,

Maatteeo 2:11

Ma baa õdõlanit nẽẽg ꞌcieeth tĩho, iita ummuddiaak nẽẽg ĩdõlĩ tĩho hĩ aattĩnnĩ Maria nĩngaata, nĩngĩtĩ akannẽẽkĩ huruꞌnyia nẽ alaacõ ĩnõõnnõ. Ma ho, itikta ꞌbaaninit ꞌcĩ ĩĩn ꞌdaab hĩ mõhõõkac hĩ ngõrrõ umwa ꞌcĩ õꞌngõlĩ ẽmmẽdĩ ꞌcĩ haĩ ꞌmiira.

Maatteeo 20:8

“Ma baa utub lõõcĩ, ikia othoothĩk baattĩ manu makayyioohit cĩ dticciannioohu ĩĩnnĩk, ‘Tũũ dticcianniook nẽ ũdũmanuu ꞌrabbẽẽt cĩggĩĩng, ꞌthianaaĩ dticciannioohĩĩ cĩg adtuurna ĩꞌthõng hõdõlan aag iꞌthianaanĩ dtiic ĩĩcĩ oou.’

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 26:11

Arũmeennu hatĩ gõõng niig hĩ hullaha hõdõõkõthĩ, nẽẽthĩ, hõllõngaa hatĩ harũmĩ naag hĩ ngagiit hõdõõkõthĩ.

Maatteeo 27:55

Baa mẽẽlĩg ngaaĩ ꞌcĩg õõkõra hĩ Yeesu ĩĩcĩ ꞌGalileea ꞌcĩg baag au ẽẽl ĩnõõnnõ, baa aattĩg ngaaĩ tĩko nĩngaata nẽ ẽdẽẽnytõthĩ Yeesu ngadiiha.

ꞌLuuka 24:10

Baa haĩ ngaaĩ iccig Maria Madalẽẽna hĩ Yõaanna hĩ Maria aattĩ ꞌJeemithi hĩ ꞌgõõnõgĩ ũgĩ ꞌcĩg baag aduhaak thõõth icci ꞌthooyyiak.

Yõaannẽ 12:6

Baa õthõõth ꞌJuuda hoti, hõllõngaa hĩnĩngĩtĩ ammĩnan nẽẽ eet ꞌcĩg appĩĩrna thõng, baa ĩĩn nẽẽ igorriaahit nẽ ĩĩn eet ꞌcĩ itiangĩth ꞌrabbẽẽta, gõõng attiha nẽẽ ꞌrabbẽẽt ꞌcĩg itiangꞌthĩ, adticanĩ thooꞌthiok ꞌcĩg adiim nẽẽnĩ.

Dtiicanĩ cĩg ꞌThooyyiahu 13:1

Lothippitaa cĩ lemmiook cĩg Antiohĩ, baa aattĩg põrõvẽtaaꞌnya hĩ ꞌlimmanniook. Ĩhõõggõ Baarnaba hĩ ꞌThimiõõnẽ ꞌcĩ haĩ ꞌthaar ũgĩ Niger, hĩ Luuccio cĩ looc cĩ Cireene hĩ Manaaen ꞌcĩ baa ĩĩn ꞌgõõnĩ habu Ẽrõõdẽ hĩ ꞌThaaulo.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

Pilippi 4:22

Ĩꞌthaayyuung eeta cĩg Nyekuci vẽlẽk, ettebehini dticcianniook cĩg õlõ cĩ habu cobbi cĩ ꞌRooma.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.