ꞌLuuka 8:22 - ꞌBuuk cĩ Thõõth cĩ Nyekuci

²² Ma kõr umwa, ĩĩnnĩk Yeesu nuyyiook cĩgĩnnĩg, “Habaaktĩ da bũlũc hõõt dhoortaa cĩ baakitu.” Nĩngĩtĩ õtõdĩ haahũl õõyyĩ.

ꞌLuuka 8:22 ပူးပေါင်းရင်းမြစ်များ

Maatteeo 14:22

Ma nĩngaata, ikia uduhaak Yeesu nuyyiook cĩgĩnnĩg hotodit haahũl habaaktĩ bũlũc hoboddioothĩ ĩĩaa auuni, nga ĩꞌthaan nẽẽ lothippit hõõt.

Maatteeo 8:18

Ma baa adtuuha Yeesu lothippit ngaatĩ irriamanẽẽkĩ ĩnõõnnõ ho, ikia uduhaak nuyyiook cĩgĩnnĩg habaaktĩ hõõt dhoortaa cĩ bũlũc cĩ ꞌGalileea.

Maarko 5:21

Ma baa abaahĩ Yeesu haahũla tarĩ ũũk baakĩtaa cĩ bũlũcõ, uluttiaak lothippiti cobbi gẽrrẽẽt ĩnõõnnõ, baa nga aaĩ nẽẽ dẽmẽtaa cĩ bũlũcõ.

Maarko 6:45

Ma hĩdĩĩkoothong, uduhaak Yeesu nuyyiook cĩgĩnnĩg hotodit haahũl hutuattĩ habaaktĩ hõõt ĩĩcĩ Beꞌthaida dhoortaa cĩ baakitu, baa nga ĩꞌthaan nẽẽ lothippit cĩ eetu hũũk.

Maarko 8:13

Ma ho, ũtũngeek nẽẽ eet niccig nẽ õtõd haahũl abaahĩ bũlũc ũũk dhoortaa cĩ baakitu.

ꞌLuuka 5:1

Baa kõr umwa abĩlĩ Yeesu dẽmẽtaa cĩ bũlũc ꞌcĩ haĩ ꞌJẽnẽꞌtharẽt, alliman lothippiꞌnya ꞌcĩg õꞌngõnyõõnĩ ꞌgõõl ꞌcĩ auuni hĩ ĩnõõnnõ, hiita hĩthĩhĩt thõõth cĩ Nyekuci.

ꞌLuuka 8:23

Ma baa nga õvvõ nẽẽg haahũla bũlũcatõõ, ikia ũdũng Yeesu, nĩngĩtĩ oongiyyi. Ma hĩdĩĩkoothong, uuhan ngõõtĩ umwaa ꞌcĩ attiran gẽrrẽẽt, hõtõmõõĩ haahũl hiꞌthianaaĩ hiitho maamĩtõõ. Baa abathõthĩ authetĩ hĩ ĩhõõggõ gẽrrẽẽt.

ꞌLuuka 8:33

Ma baa adukna loriẽẽta ꞌcĩg abathĩ ẽllaa cĩ eeto ho, õõt edeccieek ꞌngõõhĩꞌnyannĩtõõ. Nĩngĩtĩ uumurriaanĩ ꞌngõõhĩꞌnya tiggooma, nẽ uummurrioothĩk bũlũc noho wuum hutududdi hĩĩ lõõcĩ ꞌthĩĩ.

Yõaannẽ 6:1

Ma baa urutaa cĩ thooꞌthiok iccig, ikia abaahĩ Yeesu bũlũc ꞌcĩ haĩ ꞌGalileea, ꞌcĩ haĩ ꞌthaar ũgĩ Tiberia.

Dtiicanĩ cĩg ꞌThooyyiahu 27:2

Ma ho, hotoddia haahũl ꞌcĩ baa aku ꞌtaaũnaa ꞌcĩ haĩ Adaramittio, ꞌcĩ baa õbõhĩ ũũk ĩĩcĩ dẽmẽt ꞌcĩ ꞌgoolliok ꞌcĩg abĩllĩ haahũlĩta looccaa cĩ Aaꞌthia, nĩngĩtĩ hedeceeka ĩĩcĩ bũlũcõ. Baa aaĩ eet umwaa ꞌcĩ haĩ Arithtarko, ꞌcĩ baa aku looccaa cĩ Maccedoonia ꞌtaaũnaa cĩ Tẽꞌthaloonika.