ꞌLuuka 8:15 - ꞌBuuk cĩ Thõõth cĩ Nyekuci

¹⁵ Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

ꞌLuuka 8:15 ပူးပေါင်းရင်းမြစ်များ

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

ꞌLuuka 6:45

Adĩman eeta ꞌcĩg abũnnaa thooꞌthiok ꞌcĩg abũnnaa, hĩnĩngĩtĩ bũnnai ꞌcĩ aaĩ ꞌthinneetinii cĩggĩĩng nẽ adĩman eeta ꞌcĩg abathĩ thooꞌthiok ꞌcĩg abathĩ, hĩnĩngĩtĩ bathi ꞌcĩ aꞌnyak nẽẽg ꞌthinneetinii cĩggĩĩng. Hĩnĩngĩtĩ ẽtẽrꞌtha thooꞌthioha ꞌcĩg aduha ẽẽtĩ ꞌgii ꞌcĩ aaĩ ꞌthĩnĩtatõõ cĩnnĩ.”

ꞌLuuka 8:14

“Nẽ tarĩ hinyomona ꞌcĩg ĩꞌthanothoothĩk bĩllanĩtõõ ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia atalmaanyan baliiniti ĩhõõggõ hataarriothĩ thõõth.

ꞌLuuka 8:16

“Aitiõõ ẽẽtĩ ꞌcĩ attũlleek ꞌloomo nẽ aarĩk ijjia hode tẽrẽmẽẽjawa uruta tõõ. Occa ꞌthẽk aarĩk hĩbĩl tẽrẽmẽẽjawa, hátĩ ma aduhun eeta ꞌcieetõõ, ammũdoothĩk attũllĩ.

Yõaannẽ 14:15

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Yõaannẽ 15:10

Má aꞌthuunnu niig thõõth ꞌcĩ haduha naana, aallannu hatĩ mĩnnaanaa caannĩ, hĩcĩ haꞌthũũnnĩ naa thõõth ꞌcĩ aduha Baaba nẽ haala mĩnnaanaa cĩnnĩ.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 7:18

Haga naa aitiõõ ꞌgii ꞌcĩ abũnnaa hĩ nganĩĩt tõõ, hĩnĩngĩtĩ ꞌthẽccan caannĩ. Tananga habũraneehi naa ngaatĩ hadticanĩĩ ꞌgii ꞌcĩ abũnnaa, aalla aꞌnyamannaa ngaatĩ hadticanĩĩ noho.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

ꞌRooma 8:25

Nẽẽthĩ, má haarĩk naag muhẽẽnĩt ꞌcĩ abũnnaa ꞌgiiaa ꞌcĩ nga haꞌnyahit, hẽrẽẽc ĩnõõnnõ temeethitta.

1 Korinthia 7:19

Ĩĩn ꞌteediniti cĩ ello hode thõõth ꞌcĩ hõllõngaa etteedini ẽlẽ, thõõth umwa haaga. Thõõth ꞌcĩ aaddi ꞌcĩ hathĩknĩ tilooinit cĩ Nyekuci dioo.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

Ebereei 10:36

Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.

Ebereei 2:1

Huꞌthuutti naag thõõth baa illimanoothĩheet nẽ hĩthĩhĩt jurrung, hátĩ hiittiõõ hõllõngaa hĩꞌthanni tahatak nẽ hũtũngteek thõõth ꞌcĩ ĩĩn dĩdĩ.

ꞌJeemith 1:4

Nẽ illimanit ngaatĩ emmeeꞌthu thooꞌthiok vẽlẽk ũdũt, hátĩ ĩtĩlĩthĩt okomit dĩdĩ nẽ iitiõõ ꞌgii ꞌcĩ occa aꞌnyamannuung tõõ.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.