ꞌLuuka 8:13 - ꞌBuuk cĩ Thõõth cĩ Nyekuci

¹³ Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

ꞌLuuka 8:13 ပူးပေါင်းရင်းမြစ်များ

Maarko 6:20

Baa iꞌngolli Ẽrõõdẽ Yõaannẽ nẽ ẽẽla ĩnõõnnõ, hĩnĩngĩtĩ baa aga aĩ ĩĩn nẽẽ eet ꞌcĩ abũnnaa ꞌcĩ ẽllẽẽmĩthĩ. Nẽ tarĩ, baa ahayũnganni Ẽrõõdẽ gẽrrẽẽt, baa athĩhĩ nyeemuut cĩ Yõaannẽ, tananga accamana ngaatĩ athĩknĩ thõõth cĩnnĩ gẽrrẽẽt.

ꞌLuuka 8:12

Hinyomona ꞌcĩg ĩꞌthanothoothĩk ꞌgõõla ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia aggama habuui cĩ loriẽẽt ꞌcĩg abathĩ thõõth ꞌthinneetinii cĩggĩĩng, hiittiõõ hõllõngaa ẽlẽmĩ Nyekuc, hátĩ heellia.

ꞌLuuka 8:14

“Nẽ tarĩ hinyomona ꞌcĩg ĩꞌthanothoothĩk bĩllanĩtõõ ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia atalmaanyan baliiniti ĩhõõggõ hataarriothĩ thõõth.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 15:6

Má hõllõngaa aaĩ ẽẽtĩ umwaa hĩ nganĩĩta, aaĩ nẽẽ hĩ tabaac ꞌcĩ adhuhoothĩk tuu nẽ õdõhõha. Aluttiaa tabana ꞌcĩg aattĩg noho nẽ udhuktoothĩk ꞌgwoyyiatõõ hutuuꞌthi.

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.

1 Korinthia 15:2

Nyeemuutaa ꞌcĩ abũnnaa ho, eelliau niig hatĩ aꞌthuunnu thõõth baa hirrioonĩkuung naa ngagiit jurrung. Nẽẽthĩ, má aitiõõ, ĩĩn thĩ lemiiniti cunuung ko ꞌgiimwa haaga.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 3:4

Accanatteeu niig gẽrrẽẽt, hĩnĩngĩtĩ Nyeemuut cĩ Abũnnaa, ĩcca ꞌyioko õkõ ꞌcannani niccia haaga? Akannõõ hatĩ ꞌcannani niccia hĩ ne?

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

1 Timotteeo 1:19

ꞌThũũtĩ thõõth cĩ lemiinit cunni nẽ aꞌnyahu ꞌthĩnĩt ꞌcĩ tẽllĩ, hĩnĩngĩtĩ aauto eeta ũgẽẽgĩ ꞌcĩg arahanit lemiittaa cĩnĩĩng, hĩnĩngĩtĩ hõllõngaa athĩhĩ nẽẽg molook cĩ Nyekuci ꞌcĩ othoothĩk ĩhõõggõ ꞌthinneetinitõõ cĩggĩĩng nẽ ẽꞌthẽcanit lemiinit cĩnĩĩng hĩ Nyekuc.

Ebereei 10:39

Hõllõngaa haattĩg naag hĩ eeta baag ũtũbũrĩt ĩnõõnnõ ho, haꞌnyak naag lemiinit cĩ daahĩth cĩ Yeesu baa aku ẽẽlanneet ngagĩĩta.

ꞌJeemith 2:26

Hĩ ẽlẽ ꞌcĩ adaahĩ hĩnĩngĩtĩ aitiõõ lorii tõõ, nẽẽthĩ, lemiiniti ꞌcĩ aitiõõ dtiicanĩ ꞌcĩg abũnnaa tõõ, ĩĩn lemiinit ꞌcĩ adaaha.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

2 Pẽẽtũrũ 2:22

Aku hatĩ edeeꞌnyiak ĩhõõggõ thõõth ꞌcĩ ĩĩn dĩdĩ ꞌcĩ aĩ, “Aduk ũthũrĩ ꞌthaha cĩgĩnnĩg tarĩ.” Abubbuulaniini ꞌngõõhĩtĩ ꞌcĩ ũtũũnyĩ ẽlẽk tõrrõny.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.

ꞌJuud 1:12

Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.