ꞌLuuka 8:11 - ꞌBuuk cĩ Thõõth cĩ Nyekuci

¹¹ “Aĩ ꞌlimmanĩ ꞌcĩ awantoothĩk ko nẽẽ, ĩthakꞌthoothĩk hinyomona ꞌcĩg athacci ho thõõth cĩ Nyekuci.

ꞌLuuka 8:11 ပူးပေါင်းရင်းမြစ်များ

Maatteeo 13:18

“Nẽẽthĩ ꞌyioko, ĩthĩhĩt dtẽẽllẽn ꞌcĩg awantoothĩk kattioohit.

Maatteeo 13:19

Nẽ hinyomona ꞌcĩg ĩꞌthanothoothĩk ꞌgõõla, ĩthakꞌthoothĩk eet ꞌcĩg athĩhĩ nyeemuut cĩ habuccieet cĩ Nyekuci nẽ hõllõngaa aga buúk. Aku ꞌThĩttaanĩ nẽ uvvucan nyeemuut nicci ꞌthinneetinii cĩggĩĩng.

Maarko 4:13

Nĩngĩtĩ ajini Yeesu ĩhõõggõ annẽẽkĩ, “Ma hõllõngaa agayyu niig dtẽẽllẽn ꞌcĩg awantoothĩk ko nẽ hatĩ agayyu dtẽẽllẽn ũgĩ ꞌcĩg awantoothĩk hutuno?

ꞌLuuka 8:12

Hinyomona ꞌcĩg ĩꞌthanothoothĩk ꞌgõõla ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia aggama habuui cĩ loriẽẽt ꞌcĩg abathĩ thõõth ꞌthinneetinii cĩggĩĩng, hiittiõõ hõllõngaa ẽlẽmĩ Nyekuc, hátĩ heellia.

ꞌJeemith 1:21

Nẽẽthĩ hoti ho, ũtũngĩt thooꞌthiok vẽlẽk ꞌcĩg ĩĩn ꞌriiring hĩ bathi ꞌcĩ ũdaan looc ko, ma hathĩngõõnyannu, elemit nyeemuut baa allimanoothikuung ngagiit ꞌcĩ hatĩ ẽẽlannuung ngagiita.