ꞌLuuka 8:10 - ꞌBuuk cĩ Thõõth cĩ Nyekuci

¹⁰ Nĩngĩtĩ ẽdẽcĩ Yeesu ĩhõõggõ annẽẽkĩ, “Baa elemmiakuung ngagiit agaac thooꞌthiok ꞌcĩg ammiꞌthi cĩg habuccieet cĩ Nyekuci ẽlẽk. Nẽẽthĩ, hallimani naa eet ũgĩ thooꞌthiohĩĩ ꞌcĩg awantoothĩk ko, haini hátĩ, “ ‘hedeeꞌnyia thõõth baa aduha ꞌBuuhi cĩ Nyekuci hĩĩ dĩdĩ baa aĩ, Tananga acĩnĩ nẽẽgĩ, aitiõõ hatĩ hõllõngaa adtuuha, nẽ tananga má athĩknĩ, aitiõõ hatĩ hõllõngaa au aga.’

ꞌLuuka 8:10 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 16:17

Ẽdẽcĩ Yeesu ĩnõõnnõ anneek, “ꞌThimõõnẽ ngeertĩ Yõõna, aggatannii nganiit Nyekuci! Hõllõngaa ammũda nii thõõth icci ẽmmẽn. Eterꞌtheeki nganiit Baaba caannĩ ꞌcĩ aaĩ hẽẽtahujjieen.

Maarko 4:11

Ẽdẽcĩ Yeesu ĩhõõggõ anneek, “Baa aaꞌnyĩhoothĩhuung ngagiit thõõth ꞌcĩ ammiꞌthi cĩ habuccieet cĩ Nyekuci. Nẽ haduhaahi naa eet ꞌcĩg battaalu thooꞌthiok ꞌcĩg awantoothĩk,

Maarko 4:12

hĩnĩngĩtĩ “ ‘Acĩnĩ hatĩ eeta cieeg hiriiri nẽ hõllõngaa acĩnĩ, nẽ athĩknĩ hatĩ nẽẽg hiriiri, nẽẽthĩ hinnia, hõllõngaa aga ũdũt, nẽẽthĩ má hagaacõ, occa hatĩ õbõda nẽẽg hĩ Nyekuc, nẽ hatĩ ũtũngeek Nyekuci ꞌthẽccanẽẽt cĩggĩĩng.’ ”

Yõaannẽ 12:40

“Akata Nyekuci hẽbẽrĩ cĩggĩĩng, nẽ aaꞌnyĩk ooti cĩggĩĩng hilloorito. Adĩman Nyekuci thõõth icci, hátĩ hiittiõõ hõllõngaa acĩnĩ nẽẽgĩ, nẽ iittiõõ hõllõngaa athĩknĩ, nẽ iittiõõ hõllõngaa õbõda hĩ nganĩĩt nẽ haaꞌnyĩha ĩhõõggõ hũbũttaathõ.”

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

1 Korinthia 12:11

Ĩĩn cieeg vẽlẽk dtiicanĩ cĩg Lori hõdẽẽthõng nẽ aaꞌnyĩk nẽẽ eet hõdẽĩ hõdẽĩ hĩcĩ adiim nẽẽnĩ.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.