1 Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,
Ma baa ẽdẽcaak Yeesu ngaatĩ ẽtẽrꞌthĩ nuyyiook cĩgĩnnĩg ĩĩn õmmõtõ hĩ ꞌramma ho ẽlẽk, ikia ĩtĩnga nĩngaata ũũk illimanõõ nẽ irrioon nyeemuut ꞌcĩ abũnnaa ꞌtaaũnnioohĩĩ cĩg ꞌGalileea.
Nẽ hinyomona ꞌcĩg ĩꞌthanothoothĩk ꞌgõõla, ĩthakꞌthoothĩk eet ꞌcĩg athĩhĩ nyeemuut cĩ habuccieet cĩ Nyekuci nẽ hõllõngaa aga buúk. Aku ꞌThĩttaanĩ nẽ uvvucan nyeemuut nicci ꞌthinneetinii cĩggĩĩng.
Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.
Baa õkõ Yeesu ꞌtaaũnnioohĩ hĩ olooyyiohĩ vẽlẽk alliman eet ꞌCieethinii cĩg Laiittak, irrioon nyeemuut ꞌcĩ abũnnaa cĩ habuccieet cĩ Nyekuci nẽ aaꞌnyĩk eet ꞌcĩg õmmõõrĩ vẽlẽk hũbũttaathõ.
Nĩngĩtĩ õvvõõĩ nẽẽ looc cĩ ꞌGalileea vẽlẽk, irrioonĩk eet ꞌCieethini cĩg Laiittak nẽ itiggia loriẽẽt ꞌcĩg abathĩ eleetinii cĩg eetuk.
Nĩngĩtĩ alĩꞌthaanĩ loholeec ĩꞌthõng hikia hittiran lorii cĩnnẽẽnĩ, nẽ ũũk aau horrwaa ꞌcĩ õdõhõhĩĩ kak, ĩꞌthõng hũttũbattoothĩk waathinniooha ꞌcĩg aku irrioonĩkĩ nẽẽ eet cĩg Ĩꞌthĩraẽlĩ.
Kõr umwa, baa alliman Yeesu eet halaangatõõ cĩ ꞌCieeth cĩ Nyekuci nẽ irrioon nyeemuut ꞌcĩ abũnnaa, baa au makayyiooha cĩg paadĩrꞌnyaannu hĩ ꞌlimmanniook cĩg nyattaalak hĩ nyakangaaꞌnya cĩg eetuk hĩ ĩnõõnnõ,
“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,
Nĩngĩtĩ ĩꞌngaannĩ ꞌthooyyiaha õõĩ olooyyiohĩ vẽlẽk nẽ illimanit nyeemuut ꞌcĩ abũnnaa nẽ aanytĩk eet hũbũttaathõ mooriꞌthioohĩ lõkõrẽẽt vẽlẽk.
ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.
“Haduhaakuung naag ngagiit nyeemuut ꞌcĩ abũnnaa. Thõõth baa aduhaak Nyekuci hĩbaangĩ cĩggaac,
Occa irrioonĩk nẽẽg eet hutuno hatĩ nga hĩꞌthooyyii nẽẽgĩ? Hĩcĩ eheeddi ꞌBuuhaa cĩ Nyekuci aĩ, “Ĩĩn occa ꞌlẽẽmĩthĩ cĩ ꞌthoo cĩg eet ꞌcĩg aꞌnyaha nyeemuut ꞌcĩ abũnnaa hutuno?”